________________
३९४
तं सोउं संतुट्ठो राया, परिवारसंगयं जक्खं । कप्पूर - कुसुम-पमुहं पूयं काउं विसज्जेइ ॥ ५०४५ ॥ तो तत्थ संठिया सा, भिन्ने भवणे नरिंदआणाए । चिट्ठेति वुड्ढमहिलाओ, तीए पासे निवाएसा || ५०४६ ॥ पालइ विमलं सीलं तवइ तवं सा सरीरनिरवेक्खं । दीणाईणं दाणं, देइ दयोदारया निरया ।। ५०४७ ।। पूयइ जिणे तिसंझं, गंतूणमुवस्सए नमइ गुरुणो । सज्झाय-ज्झाण-ज्झयणसंगया गमइ दियहाई || ५०४८ ॥ दिन्नं सुयस्स नामं, काऊण महामहं महीवइणा । निय नाममणुसरेऊण, तस्स कल्लाणकलसो त्ति ।। ५०४९ ॥ तो सो वद्धइ बालो, बीया चंदो व्व पंचधाईहिं । पालिज्जतो अंतेउरीहिं, लालिज्जमाणो य ॥ ५०५० ।। एन्तो य चंदकंतो, सेट्ठिसुओ रयणि-विरमणारंभे । मोयाविऊण चंदावलिं गओ चडियभारुंडे ।। ५०५१ ॥ दईया मिलणपहिट्ठो, जं तो नंगरियपवहणे पत्तो । उत्तरिउं भारुंडं, भुंजावइ भक्ख - भोज्जेहिं ।। ५०५२ ।। बंधइ कणयमयाओ, सो घग्घरिओ तस्स चरणेसु । कंठम्म पुणो निम्मलमुत्ताहलकंठियं ठवइ ॥ ५०५३ ॥ पयजुयलग्गणपुव्वं विसज्जिओ सो गओ सठाणम्मि । उक्खित्तनंगरेणं, जाइ पुरो पवहणेण सयं ॥ ५०५४ ॥ वाणानिलच्छिमणजइणजवेण जाणेण थोवदिणमज्झे । पत्तो कडाहदीवे, ववहारे काउमारो || ५०५५ ॥ किम्मीरि- तमालदलाई, लेइ दाऊण निंब-पत्ताइं । कीडमणीहिं मुत्ताहलाई लवणेण कप्पूरं ॥ ५०५६ ॥ दंतीए देवदारुं, सिरिक्खंडाइं चउवलकुट्टेण । उन्नाए पट्टसुत्तं, कंबलएहि च नेत्तारं ॥ ५०५७ ॥
Jain Education International
सिरिअणंतजिणचरियं
For Private & Personal Use Only
www.jainelibrary.org
