________________
'३९३
तवोवरिचंदकंतकहा मणि-मत्तवारणावलि-परिविलसिर-सालिहंजिया जुत्तं । सव्वुत्तमं विमाणं कंचण-कलसावलीकलियं ॥ ५०३२ ॥ तम्मि मणिमत्तवारणयरईयरयणासणे महरिहमि । उववेसिउं सुसिग्धं, सयमवि चडिओ सपरिवारो ।। ५०३३ ।। चलियं रविरहरयणं व, तं विमाणं नहपयासंतं । सुरपरियरपारंभियपेच्छणयुग्गीयगीयसरं ॥ ५०३४ ॥ गच्छंतं तं पत्तं झड त्ति कल्लाणपुर-नहुच्छंगे । जाणाविओ य राया सुरेण तत्तणयवुत्तंतं ॥ ५०३५ ॥ भणियं च राय ! तं चेव तीए उवयारकारओ दूरं । भक्खिज्जतो पक्खीहिं रक्खिओ जेण तत्तणओ || ५०३६ ॥ जेण न जइ हयहरिओ, तत्थ तुमं नरवरिंद ! गच्छंतो । ता जीवियमवि हुंतं, न तस्स परिपालणं कत्तो ? ॥ ५०३७ ॥ ता तज्जणणी नियपिओ, समस्स तुह पासमस्सिया राय ! । सीलं परिपालंती, पडिवालेही पियागमणं ॥ ५०३८ ॥ पुत्तो तुम्हाणमिमो, जेणं जो देइ जीवियव्वं सो । सामी ! सव्वस्सवि जीवंताणं जओ सव्वं ॥ ५०३९ ॥ रायाह एउ जं सा वि मह सुया नियसुयाण पढमयरा । तो लोयकयच्छरिउं उत्तिन्ना सा विमाणाओ ॥ ५०४० ॥ मंथरकमसंचारो पविसित्तु सहं तया नरिंदस्स ।। तेणुत्तं वच्छे ! पिइहरे व्व इह निव्वुया चिट्ठ ॥ ५०४१ ॥ कुव्वंती सद्धम्मं, सुहकम्मं इह ठिया समज्जिणसु । एयम्मि निए लोए करेज्ज मा पुत्ति ! परबुद्धिं ॥ ५०४२ ॥ इय भणिऊणाणाविय सयमप्पइ नरवई सुयं तीसे । आणंदसंदिरच्छी, घेत्तुं तं चुंबए भाले ॥ ५०४३ ॥ तो रायपायपणमणपुरस्सरं भणइ ताय ! तुम्हाण । एसो सुओ विइन्नो, पाणा तुब्भेहिं जं दिन्ना ॥ ५०४४ ॥
Jain Education International
For Private & Personal Use Only
www.jainelibrary.org
