________________
३९०
सिरिअणंतजिणचरियं इय भाविरस्स रन्नो हयपयपंतिप्पहेण पत्ताई । पहुमवलोयंताई, पसरंति बलाई रन्नम्मि ॥ ४९९३ ॥ तो तेहिं पेच्छिऊणं मन्नुवसुम्मुक्कबाहबिंदूहि । पणओ पहू समग्गयगिरमेवं विन्नवंतेहिं ॥ ४९९४ ॥ पहुणो हीरिज्जंते, पेच्छेउं गरुयश्यतुरंगेण ।। पेरियगुरुरयतुरयवेयमविहयपय वि मणुसरिया ॥ ४९९५ ॥ पत्ता य एत्थ तुब्भे, अक्खय-सियकित्ति-भायण-सरीरा । नवरं को पहु ! अंके, देवकुमारोवमो बालो ॥ ४९९६ ॥ ता कहह तुरय-हरणाइबाल-लाहंतमत्तणो चरियं । एयं अलंकरेऊणमासणं रयणरमणीयं ॥ ४९९७ ॥ तो मंतिणो समप्पिय पुत्तं उवविसिय तत्थ नरनाहो । जंपइ आयन्नह तह, जह अहमिह आगओ रन्ने ॥ ४९९८ ॥ नवतुरयगरुयतररयनिरिक्खणत्थं निवारिउं तुन्भे । परिपेरिओ तुरंगो, मए पहे पसरइ जवेण ॥ ४९९९ ।। जा दूरतरे गंतुं, वग्गं खंचामि वालिङ वाहं । ता सो गरुयतरेणं, रएण गच्छइ समुहमग्गे ॥ ५००० ॥ जह जह वग्गागरिसणमहमणवरयं करेमि तह तह सो । एसो मं बालेहिं त्ति साहिमाणो व्व जाइ पुरो ॥ ५००१ ॥ कय अविरयवग्गागरिसणस्स मह करयलेसु संजाया । .. मुत्ताहलप्पकप्पापिडया पीडायरा दूरं ॥ ५००२ ॥ जाओ जहाभिमयमिमो निमुक्कवग्गो झड त्ति तुरओ सो । संपुन्नसप्पइन्नो व्व संठिओ निच्चलो होउं ॥ ५००३ ॥ तयणु मए विन्नायं, हयस्स विवरीय-सिक्खणं तस्स । . तो उत्तरिओ मोयाविओ समं सो समग्गं पि ॥ ५००४ ॥ संतं संतं काउं, हयंतमुत्तिन्नकवियपल्लाणं । न्हविऊण पल्लले बंधिउं दुमे नीरिया चारी ॥ ५००५ ॥
Jain Education International
For Private & Personal Use Only
www.jainelibrary.org
