________________
नवोवरिचंदकंतकहा
काउं जलावगाहं, पायं सलिलं फलाई भुत्तूण | पुरमग्गसन्निसंतो, पयभमिरो हमिह संपत्तो ॥ ५००६ ॥ दिट्ठो य एत्थ एसो, बालो मंसासिभूरिसत्तेहिं । कय-परिवेढो जीवो व्व, पावपडलेहिं संसारो || ५००७ ॥ तो हक्किया मए ते नट्ठा अहिणो व्व मज्झ गरुडस्स । सिग्घं पि मए गहिओ दट्ठुमिमो अमरकुमरो व्व ॥ ५००८ |
हयहरणप्पमुहं मह असुहं कल्लाणकारयं जायं ।
'कट्ठे तउब्भवं पिव सासय- सिवसुहकरं जाणो ॥ ५००९ ॥
तुम्हेहिं जमापुच्छियमेयं तुम्हाण तुरयहरणाइं ।
सुयलाहं तं कहियं ति भणिय मोणे ठिओ राया ।। ५०१० || तं दद्धं सव्वुत्तमलक्खणजुयपाणिपयतलं पुत्तं । मंतिप्पमुहा सव्वे वि विम्या विन्नवंति निवं ॥ ५०११ ।। भ्रूणं केणइ पहुणो तुट्ठेण सुरेण हयमहिठ्ठेउं ।
काऊणं अवहारं दिन्नो रज्जारिहो कुमरो ॥ ५०१२ |
एयस्स हत्थ–पायाइअवयवा जं सुलक्खणोववेया । नमिमो उत्तमगोत्तो हीण - कुले लक्खणाणि कुओ ? || ५०१३ ||
ता एत्थ न चिट्ठिज्जइ रत्ते सीहाइ- सावयाइने । विज्जाहराइ के वि हु मा एही सुय - पवित्तीए ॥ ५०१४ ॥ सिद्धप्पओयणाणं सावयट्ठाणमुज्झिउं जत्तं ।
किं जाणंतो को वि हु, अणत्थ - पत्थारिमल्लिया ।। ५०९५ ॥ तो आरूढो राया, सुहासणे छत्त - अंतरियं तरणी तरुणीकरयलचालियचमरानिलं वीईओ चलिओ || ५०१६ ||
अल्लीणो सेज्जावालयम्मि गहिऊण बालयं मंती । मंडलिया सामंता चलिया गहिओ य निव - तुरओ ॥ ५०९७ ॥ तो गच्छंता सव्वे वि झत्ति कल्लाणपुरपुरे पत्ता । यावहारगुरुसोओ भारसामाणणजणम्मि ॥ ५०१८ ॥
Jain Education International
For Private & Personal Use Only
३९१
www.jainelibrary.org
