________________
३८९
तवोवरिचंदकंतकहा एत्थंतरम्मि कल्लाण-पुंजराया हएण अवहरिओ । पत्तो तम्मि अरन्ना, भमिरो चरणेहिं तं नियइ ॥ ४९८० ॥ तो हक्कंतो पत्तो, निरुवक्कमबालया उ बंधो व्व । निवई दटुं नटुं, पक्खिकुलं तक्कुकम्मं व ॥ ४९८१ ॥ तह तब्भया पलाणो फेरंडो वि हु गईए सिग्घाए । दुक्करमुणितवचरणा पावप्पसरो व्व सहस त्ति ॥ ४९८२ ॥ नियडो परिट्ठिओ निन्निमेस-वियसिय-विसाल-नयणेहिं । चंदं व कोमलकरं, न तिप्पए तं पलोयंतो ॥ ४९८३ ॥ तो तं गहिउं दोहिं वि करेहिं उवविसिय पेच्छए राया । सव्वाग लक्खणाणं, गोट्ठिट्ठाणं व परमाणं ॥ ४९८४ ॥ सव्वुत्तमायवत्तं, ईसरभवणं व सहइ गत्तं से । सव्वक्कालमलंकरियं, विलसिरकमलं निवगिहं व ॥ ४९८५ ॥ संझाविप्फुरियं पिव, तंब-नहदिणयं व दीहकरं । वणमित्रविसालवच्छं, उद्धयचित्तं व मयरसियं ॥ ४९८६ ॥ सयहारसियं निवसिरिहरं व मिउफासनवणिवीढं व । पुरमिव विलसंतभुवं समयपरं सो गयमयं व ॥ ४९८७ ॥ इय चारुलक्खणंगं बालं दलृ विचिंतए राया । उत्तमगोत्तुप्पन्नो स को वि इमो बालओ एत्थ ॥ ४९८८ ॥ मन्ने नवप्पसूयाए, निवडिओ नहयरीए कीए वि । जमसंभवो अमाणुसरन्ने एयारिस सुयस्स ॥ ४९८९ ॥ मज्झमपुत्तस्स इमो दिन्नो देवेहिं उत्तमो पुत्तो । कहमन्नहा अहं इह हरिणा हरिऊण आणीओ ? || ४९९० ॥ मह सकयत्थो जाओ, अहरावहारो अरन्नपडणं च । जेसिंप्पभावओ रज्जपत्तमेसो सुओ पत्तो ॥ ४९९१ ॥ अगुणो वि गुणत्तेणं, परिणमइ कयाइ सुकयकम्मेण । जम्मह हयहरणं, पुत्तरयणलाभाय संजायं ॥ ४९९२ ॥
Jain Eucation International
For Private & Personal Use Only
www.jainelibrary.org
