________________
३८८
इय चिंतिय - मरणमणावडिया रुंदयर - सेलसिंगग्गे । आलोयणा-वयुच्चरण - खामणाराहणा पुव्वं ॥ ४९६७ ॥ कय सागाराणसणाए, तीए सरिऊण पंचपरमेट्ठि । तत्तो मुक्को अप्पा सझड त्ति झंपाए मरणत्थं । ४९६८ ॥ एत्थंतरम्मि तत्तिरवलंबनिवडणसमुत्थकरुणेण । सद्धम्म - परत्तप्पमुह-तग्गुणावज्जियमणेण ॥ ४९६९ ॥
नियगिरिनिवडिरनारीवहपावुप्पत्तिभीरुएणं च ।
तग्गिरिसुरेण सहसा, पडिच्छिया पाणिकमलेहिं ॥। ४९७० ।। काउं नियकरकोसे, नेउं मुत्तुं व सिसिरगिरिगहणे । हरिऊण पसवपीडं, पयंपिया तेण सा एवं ।। ४९७१ ।। किं वच्छे ! मरणं तव्वसणं अंगीकयं तए कहसु । मा बीहसु मह जमहं, एयगिरिस्सामिओ अमरो ॥ ४९७२ ।। तुमए कओ पवित्तो, धुवं सुसीले ! सपायफासेण । तह मग्गो व्व समग्गो, सिय-पक्खमयंकमुत्तीए ।। ४९७३ ॥ विज्जुभरप्फुरियं पिव, पेच्छय अच्छीण दुत्थयं दितं । रईयकरकमलकोसं, देवं दट्ठूण सा भणइ ।। ४९७४ || किमहो अमरत्तए मह विहियं मरणंतराईयं हसु । पिय- पुत्तविउत्ताए मरणं मह जीवियाओ वरं ।। ४९७५ ॥ तेणुत्तं वच्छे । निच्छएण मिलिहिंति तुज्झ पिय- पुत्ता । जीवंतीए मयाए उ कत्थ तं मिलणवत्ता वि ॥ ४९७६ ।। सा आह दईयमिलणं संभाविज्जइ जमत्थि कुसलं से । जो पावपक्खिणा भक्खिओ सुओ सो कहं मिलिही ।। ४९७७ ॥ तो नाणेणं नाऊण, भणियममरेण पुत्ति ! पुत्तो ते । नेऊण एय अडईए, पक्खिणा तरुतले मुक्को ।। ४९७८ ॥
•
सिरिअणंतजिणचरियं
तो मिलिउं पक्खिकुलं, चउपासं तस्स कम्मपडलं व । वेगेण सियालो वि हु जमो व्व तं भक्खिउं पत्तो ॥ ४९७९ ॥
Jain Education International
For Private & Personal Use Only
www.jainelibrary.org
