________________
३८७
तवोवरिचंदकंतकहा हक्कंती पक्खिपहे, संचलिया जाव ताव सो पक्खी । तीए आसाबंधो व्व अवगओ नयणमग्गाओ ॥ ४९५४ ॥ दटुं सुयावहारं, तीए सहसा समागया मुच्छा । तो झ ति निराहारा भूमीए अचेयणा पडिया ॥ ४९५५ ॥ न्हाणजलतित्तदेहे, लग्गोऽनिलचलिरकयलिदलवाओ । तो सयणेण व संपत्तचेयणा झ त्ति तेण कया ॥ ४९५६ ॥ पुन्नावहारसंजायसोयसंभारविहुरियसरीरा ।। मुंचंती मुत्ताहलसमं सुविसरं रुयइ करुणं ॥ ४९५७ ॥ हा हा बालय ! नवणीय-पिंडसुकुमालयंग ! कह सहसि ।। निच्चयरपक्खि-चंचूपुडप्पहारुब्मवं वियणं ॥ ४९५८ ॥ हा पुत्तय ! मह जायं विज्जुप्फुरियं व दंसणं तुज्झ । ता एहि एक्कवारं. जा न विवज्जामि तुह हरणे ॥ ४९५९ ॥ हा मंदभाइणीए मए मुहुत्तम्मि पालिओ न सुओ । जाया गब्मसमुब्भवपीडाए चेव फ्तमहं ॥ ४९६० ॥ निहिऊण निउच्छंगे, न एक्कवारं पियाइ उप्पन्नं । मणिदप्पणो व्व सम्मुहं, धरिऊण य नेव सच्चविओ ॥ ४९६१ ॥ सुसिणिद्धसुद्धनियदीह-दिट्ठिजोण्हाए धवलिया नाहं । सीहावलोइएणं, बालेणं रिखमाणेणं ॥ ४९६२ ॥ हा हा हयास ! हे विहिविलास ! पसवुब्भवाए पीडाए । एय दुहसहणत्थं न मारिया पाव ! तुमए हं ॥ ४९६३ ॥ वल्लहविस्हो अ कए कलंकणं पुत्तयस्स विच्छोहो । असुहाई असेसाई, विन्निद्दय हे देव्व ! मे देसि ॥ ४९६४ ॥ वीसासट्ठाणम्मि को वि जहा मुयइ धणमसेसं पि । तुह तुमए देह य विहिविहिया अहमेव दुहठाणं ॥ ४९६५ ॥ आजम्मजायनियसुयविओयसुमहल्लमल्लिसल्लेण । पीडिज्जंतीए वरं मरणं, मह दुह-समत्तिकरं ॥ ४९६६ ॥
Jain Education International
For Private & Personal Use Only
www.jainelibrary.org
