________________
३८६
सिरिअणंतजिणचरियं तहाहि - संझासु तिसु वि वंदइ, सुरिंदविंदाभिवंदियजिणिंदे । सुमरइ सया वि सिद्धे, विणट्ठ-कम्मट्ठगपबंधे ॥ ४९४१ ॥ पंचप्पयारआयारधारए नमइ निच्चमायरिए । . सुत्तत्थोभयकुसलो, झायइ अज्झावए सययं ॥ ४९४२ ॥ वंदइ सुसाहुणो सइ दुच्चरतव-चरण-करण-किसियंगे । सुविसुद्धाणुट्ठाणेण तीए ईय वच्चए कालो ॥ ४९४३ ॥ कुणई य नियतणुवित्तिं, पारणयदिणे अरन्नपत्तेहिं । एवं वटुंतीए तीए, पत्तो पसवसमओ || ४९४४ ॥ तयणु पसत्थतिहिताररिक्खजोगेहिं उत्तमे लग्गे । विलसंतलक्खणधरं, उत्तमपुत्तं पसूया सा || ४९४५ ॥ दठूण सयं तोसे तोसविया सा समं पि संजाया । पढमो पुत्तो ति कहं, पालिस्समिमं ति बीओ उ ॥ ४९४६ ॥ पुव्विल्लरिद्धिवित्थरसुमरणउप्पन्नमन्नुपुन्नमणा । गग्गयगिराए रुइरी, पुत्तं पइ जंपए एवं ॥ ४९४७ ॥ पुत्तय ! तुह जम्मदिणे, वद्धावणयूसवं विभूईए । काहिंति चिंतियं जं, जायंतं अन्नहा इण्हि || ४९४८ ॥ इय सकरुणमक्कंदियबालो जं बाल-खलणनिमित्तं । तीए असत्तीए वि हु, निउं सलिला सए न्हविओ || ४९४९ ॥ मोत्तुं संवत्तियउत्तरीयउवरिम्मि बालयं बाला । तन्नहिय नियय नयणा जा सा न्हाएउमारद्धा ॥ ४९५० ॥ ता झ त्ति नहानिवडिय नीओ केणावि पक्खिणा बालो । तीए पुरओ वि भोयणभायणमिव नयणहीणस्स || ४९५१ ॥ तो झ त्ति धाविया सा, ल्हसिरकडिल्लं करेण धरमाणी । गलिरजलकेसपासं वीएण करेण कलयंती ॥ ४९५२ ॥ रयगमणगहिब्भल्हसि उत्तरीयमुल्लसिरथूलथणमेगं । अभिदंसंति व्व सयं, धावणकज्जम्मि पुत्तस्स ॥ ४९५३ ॥
Jain Education International
For Private & Personal Use Only
www.jainelibrary.org
