________________
तवोवरिचंदकंतकहा
आबालकालओ वि हु हुंती हुं जइ पवन्न - सामन्ना । मइलिज्जती इमिणा, तामेव कलंकयं केण ॥। ४९२९ ॥ जाया वि अजाय च्चिय ममेत्थमणुयत्तणाइसामग्गी । पत्तं फलं न जीए सुपत्तदाणाइआयरिउं ॥ ४९३० ॥ कईया वि अजोग्गाणं, जायइ नूणं न किं पि कल्लाणं । इह परभवुब्भवाणं, जमहं चुक्कम्हि सोक्खाणं ॥ ४९३१ || जेण कुओ मह लोइयं सुहं सयणसुयणपइविरहे । तह पारलोईयं पि हु तवसंजमनियमरहियाए ।। ४९३२ ।। जेहिं तणुनिरविक्खो, तविओ न तवो भवम्मि पुव्विल्ले । हुति अहं व महाविडंबनाडंबरट्ठाणं ॥ ४९३३ || नियकम्मनिम्मियम्मिं, फलमियं तम्मि अत्तणो उदयं । रूसंति मंदमइणो, मुहे व अवरस्स किं सत्ता ? ॥ ४९३४ ॥ खलिउं तीरइ केणावि नेवज्जं पुव्वभवभवं कम्मं । सुहमसुहं वा नियमेण जेणमेयारिसं भणियं ॥। ४९३५ ।। धारिज्जइ इंतो जलनिही वि कल्लोलभिन्नकुलसेले । नहु अन्नजम्मजणिओ सुहासुहो कम्मपरिणामो || ४९३६ ॥ ता इह ठिया वि तव - संजमेहिं अज्जेमि किं पि सुह- ह-कम्मं । जम्मंतरे वि जायइ, जेण न मे दुक्कय - विवागो ।। ४९३७ ॥ इयू परिभाविय भावेण सत्ति सरिसं तवं तवइ निच्चं । कुणई य संवेगावेगसंगयासारसज्झायं ॥ ४९३८ ॥ सद्धम्मज्झाणं सज्झायइ, खिइवलयजलहि-दीवाई | कुणई य काउस्सग्गं, कम्मविणिज्जरणकज्जम्मि ॥ ४९३९ ॥ पसमामयरसवसया, वहइ न कम्मि वि पओसलेसं पि । अणवरयं आराहइ उवउत्ता पंच-परमेठि ॥। ४९४० ॥
Jain Education International
For Private & Personal Use Only
३८५
www.jainelibrary.org
