________________
३८३
तवोवरिचंदकंतकहा तं सोऊण घयाहुइ-सित्तानिलजालिय व्व जलिया सा । कोवुक्करिसा सामरिसमेवमुल्लविउमारद्धा ॥ ४९०३ ।। अइदुढे ! पाविढे ! सेरिणि सडिऊणं पडसि निब्भंतं । निम्मलसीलसईयणसमत्तमत्ताणयंतिती ॥ ४९०४ ॥ किं एक्कं चिय दंससि, मुद्दारयणं सुयाहिनाणम्मि । संति जओ बहुयाइं वि, तस्साभरणाई तुह पासे ॥ ४९०५ ॥ तीयुत्तं दुट्टेण वि, दिव्वेण पई इमं व तुह देमि । सुद्धं धरिज्ज गेहे समसुद्धं दंडिही राया ॥ ४९०६ ॥ उल्लवइ सासुया किं थोवविगुत्ता ननूससे पावे । । जं सुद्धिं मग्गंती अप्पं पयडसि नरिंदं तं ॥ ४९०७ ॥ ता जाहि जहाभिमयं ठाणमिणं भणियं च ससुरएणं । दुस्सीलाणं ठाणं न जओ भवणम्मि अम्हाणं ॥ ४९०८ ॥ इय जंपिय दुट्ठाए कंठे धरिलं निसाए गेहाओ । निव्वासिया तहा तीए सा जहा निग्गया नयरा ॥ ४९०९ ॥ सुन्नं रन्नं रयणी, सप्पा य सावयुब्भवभयंति ।। परिकंपिरंग-जट्ठी सा जाइ दिसाए एक्काए ॥ ४९१० ॥ जंती चिंतइ देव्वनिद्दओ अरी व दुस्सहे विरहे । . तं जेण नूण दिन्नं, मह दुस्सीलत्तमालिन्नं ॥ ४९११ ।। ता किं दाउं झंपं चएमि पाणे अगाहकूवजले । अहवा न जुत्तमेयं, अप्पवहो जं महापावं ॥ ४९१२ ॥
अवरं च जाववाओ, आवइ ता नेव जुज्जए मरिउं । । तम्मि समुत्तिन्ने जीवियं व मरणं व मे होज्जा ॥ ४९१३ ॥ । ता जामि पियहरम्मि, उयाहु माउलयमंदिरे अहवा ? । * उभयत्थ वि न पवेसं, पाविस्सं साववाय त्ति ॥ ४९१४ ॥ नूणं भवंतरम्मि, कलंकिया सासुया मए जमिमा । अकयं को वि न पावइ, तममीए कलंकिया हमवि ॥ ४९१५ ॥
Jain Education International
For Private & Personal Use Only
www.jainelibrary.org
