________________
३८२
सस्सिरीयसिरीरंतं उवचयगच्छंतउ यरमिक्खेडं ।
सिग्घं पि सेट्ठिणो कहइ सासुया वईयरं तीसे ।। ४८९० ।। तो सेट्ठिसमाएसेण पुच्छए सासुया तसेगंते ।
जेण जणे लज्जिज्जइ, पुच्छिज्जइ तं न जणमज्झे ।। ४८९१ ॥ वच्छे ! तह एसो कुलकलंकणो गब्भसंभवो कत्तो ? | कुलकंताण पउत्थे पिए ! इमो जं अकित्ति - कए ।। ४८९२ ॥ तीयुत्तमत्तं किं कयं मए अंब ! कहसु कईआ वि । किं अग्गीओ गोरिओ कत्थइ सुयमिंदुमुत्ती ॥। ४८९३ ॥ भारुंडारूढो इह समागओ आसि अंब ! तुम्ह सुओ । वसिऊण गओ भणिओ वि तुम्ह मिलिओ न लज्जंतो ॥ ४८९४ ॥ तो' मच्छरिणीए सासुयाए भणियं सुयस्स मे देवा । आएसकरा जे पक्खिरूविणो तं वहति सया ।। ४८९५ ॥ अलियं पि पयंपिज्जइ, जं जुत्तीए समावह घडणं । तं अहियमलीयाओ वि सव्वं पि हु जं न जुत्तिखमं ॥ ४८९६ ॥ संति जए बहुयाओ, बहुयाओ असच्च- जंपण-पराओ । नवरं न तुज्झ सरिसी, अघडंतअसच्चभणणपरा ॥ ४८९७ ॥ एगेहिं माणुसेहिं, धवलिज्जइ नियकुलं सुकित्तीए । अन्नेहिं पुणो तं चिय कलुसिज्जइ धुवमकित्तीए ॥ ४८९८ ॥ जइया भूरिभविब्भवपावपसरस्स होइ अब्भुदओ । तइया तुह सरिसकलंककारियं माणुसं मिलइ ॥ ४८९९ ॥ तो तीयुक्तं मा अंब ! एवमुल्लवसु सुणसु विन्नत्तिं । तुह तणणं जं तेणमप्पियं अंगुलीयमिमं ॥ ४९०० ॥ भणियं च जइ न पत्तियइ, ससुरयप्पमुहसयणवग्गो ते । ता तं मुद्दारयणं, दंसेज्जसु साहिनाणे से ॥ ४९०१ ॥ परपुरिसेहो सिविणे वि नेव जमहं महासई अंब ! । गोत्ते वि असंजायं, सीलब्भंसं कह करिस्सं ॥ ४९०२ ॥
Jain Education International
सिरिअणंतजिणचरियं
For Private & Personal Use Only
www.jainelibrary.org
