________________
३८०
दईए दुयं दुवारं उग्घाडसु दूरदेसपत्तस्स । गाढुक्कंठाभरनिब्भरस्स में निययदईयस्स ॥ ४८६५ ॥
सिरिअणंतजिणचरियं
तो तीए नियय पइसमसरसंभवसंभमेण उट्ठेउं ।
भगिउं भो को सि तुमं ? ति भणइ सो तुज्झ दइओ त्ति ॥ ४८६६ |
ती युत्तमहिन्नाणं मह किंपि कह कहसु पच्चयनिमित्तं ।
तो तेण साहियाइं महइ सहइ जंपियाई दुयं ।। ४८६७ || दइओ त्ति कवाडाइं उग्घाडिय सो पवेसिओ मज्झे । नन्ननरेणेगंते जुज्जइ जाउं कुलवहूणं ॥ ४८६८ ॥ मंगलदीवुज्जोएण नियइ दइयं किसं पि कंतं सो । बीयससंकलेह व्व जा सया सहइ अकलंका ।। ४८६९ ॥ आपुच्छिया पिए ! तं कुसलेण ठिय त्ति आह सा सामि ! । मह संजायं कुसलं, तुह पयजुयदंसणेणेव ॥ ४८७० ॥ एत्तियदिणाणि मह आसि जं सुहं होउ सारिऊण वि तं । केवलुंमणुहवियव्वं जं पावं जीविया तमहं ।। ४८७१ ।। तमसमसिणेहसरिसं हियं च जं मं गओ सि परिहरिउं । देवायत्तस्स पिए ! मह को दोसो ? त्ति तेणुत्तं ॥ ४८७२ ॥ कहिओ य वईयरो से, अमुणिय तत्तो जहा अहं पिउणा । आरोविय जलजाणम्मि पेसिओ जलहिजत्ताए ॥। ४८७३ ॥ ता कह कहेमि कंते ! तुह कहणुस्सुयमणो वि हु पवासं । जेणं सव्वत्तो च्चिय दूरमगाहं जलहिसलिलं ॥ ४८७४ ॥ तुह विरहविहुरयाभर अहरतणू जाव जामि जलहिजले । ता जायनवसिणेहेण पक्खिणा अहमिहाणीओ || ४८७५ ॥
दिट्ठा य तुमं नयणा पभणियं पिय ! जमिह समागओ तं कयं जुत्तं । जं पुण नयणनिमेसोवमो इमो संगमो अजुत्तं तं ।
इहि जणयायत्ते तुमए किमहं पयंपेमि ॥ ४८७६ ॥
Jain Education International
For Private & Personal Use Only
www.jainelibrary.org
