________________
३७८
सिरिअणंतजिणचरियं
एत्थंतरम्मि गुरुगयणलंघणस्समविसन्नपक्खपुडो । असमछुहा-पिवासायास-पराहीणमणवित्ती ॥ ४८३९ ॥ गरुयगिरि, गरुयतुंगसिंगभवनिज्झरो व्व तं वप्पउ । धवलपक्खागमभूसियंबरो रयणिरमणो व्व ॥ ४८४० ॥ पक्खी लक्खी काऊण पवहणं गुरुरएण भारुंडो । मुच्छा विच्छाय-तणू दड त्ति पडिओ नहुच्छंगा ॥ ४८४१ ॥ (कुलय) तं निच्चेठं दठूण, उठ्ठिओ झ त्ति चंदकंतो वि । सिंचइ सिसिरेण सुसाउणा तणुं तस्स सलिलेण ॥ ४८४२ ॥ ता उम्मीलियनयणो सुत्तविबुद्धो व्व उठ्ठिओ पक्खी । जंपतो मम तं चिय, उवयारी जीवियं दितो ॥ ४८४३ ॥ जइ न छुहाभिसत्तो, निवडतो तुज्झ जाणवत्तम्मि । ता हुंतो हं नररयण ! नूणं भक्खं जलयराण ॥ ४८४४ ॥ सव्वा जणप्पसिद्धी हुंते आउम्मि हुति हूउवाया । कह मन्नहा निवडिओ, अहमिह तुह जाणवत्तम्मि ॥ ४८४५ ॥ इय जंपिरस्स सउणस्स, उभहया झ त्ति चंदकंतेण । भरिऊण मोयगाणं, कंचणथालं समुवणीयं ॥ ४८४६ ॥ जे मुणिणो व्व पवित्ता, असमसिरोहो कुलीण सुहिणो व्व । घणसारामोयपरा सहति सइ ईसरनर व्व ॥ ४८४७ ॥ एलाचुन्नाविमिस्सिय सुसाउसीयलजलं च अप्पेउं । भणइ इमे भक्खियमोयगे जलं पियसु सउणि ! तुमं ॥ ४८४८ ॥ उच्छलिय छुहा विच्छेयकारिणो तयणु तेण ते भुत्ता । पीयं व सीयसलिलं, तो जाया परमतित्ती से || ४८४९ ॥ भुत्तुत्तरम्मि भणियं, भारुडेण अहो महासत्त ! ।। किं उव्विग्गो विव तं लक्खिज्जसि दुम्मणो दूरं ॥ ४८५० ॥ ता जइ किर मह कहणीयमेयमिण्हि पि कहसु ता झ त्ति । अहव अकहणिज्जं, ता जाति अहं होउ भव्वं ते ॥ ४८५१ ॥
Jain Education International
For Private & Personal Use Only
www.jainelibrary.org
