________________
पढमपत्थावो एरिसरूवो जुत्तो पिए ! पई एस रूवकुमरीए । को न सलाहए नलिणीए रायहंसस्स संबंधं ? || ११७ ॥ तो जंपइ सालहिया “बहुरयणा वसुमई त्ति सच्चमिणं ।। कहमन्नहा इय गुणो, तुमए दिट्ठो निवकुमारो ? || ११८ ॥ सोउं सालहिया पइपयंपियं रायकन्नयाए सा । तं मलयसुंदरिसही पुच्छइ मंजुस्सरेणेवं ॥ ११९ ॥ सालहिय ! किमभिहाणो सो कुमरो ? कस्स राइणो व सुओ ? कत्थ व तुमए दिट्ठो, जं नियदइयाए साहेसि ? || १२० ॥ सालहएणं भणियं एत्तो ठाणाओ विउलगिरिसिहरे । चुणिउं चलिओ जा हं रिट्ठउरी नियडगयणेण ॥ १२१ ॥ ता पेच्छामि घणडुमपरंपराहरि-तरणितावपहे । विप्पालंबइयच्छत्तसिक्किरीरायमाणबलं ॥ १२२ ॥ को एय पहु ? त्ति विचिंतिऊण हं तन्निरिक्खणनिमित्तं । अल्लीणो सहयारदुमस्स साहाए सिसिराए ॥ १२३ ॥ मग्गडुपाससंठियचउरंगचमूचयस्स मज्झ ठियं । पेच्छामि रायकुमरं एगं तुरगं पकीलिंतं ॥ १२४ ॥ भमिचारिक्कपुलाहिं टंपा झंपाविसिट्ठवेगेहिं ।। वाहतस्स हयं से बंदिवई पढिउमाढत्तो ॥ १२५ ॥ रिट्ठउरिनयरिनायगपउमरहनरिंदकुलतिलय कुमर ! पावसु विमलपसिद्धिं पयावरह केवलि व्व तुमं ॥ १२६ ॥ इय पढिए सो बंदी कुमरेणाभरण-दविण-वत्थेहिं । सम्माणिओ तहा जह जाओ ईसरसिरोरयणं ॥ १२७ ॥ तो तम्मि रायतणए वलिए कीलाविउं तुरयनियरं । अहमेत्थ समणुपत्तो निययावासम्मि उड्डेउं ॥ १२८ ॥ दीसंती पभूया वि हु कुमरा नवरं न तारिसो कोइ । जोइसिया पउरा वि हु संति न ससिणो समो अवरो ॥ १२९ ॥
Jain Education International
For Private & Personal Use Only
www.jainelibrary.org
