________________
३७०
सिरिअणंतजिणचरियं तत्तो उत्तिन्नो वसुमईए, संपत्तपवरवरनाणो । केरल-कुंतल-मलयंगवंगविसएसु विहरेउं ॥ ४७३६ ॥ विमलगिरि सिहरमारुहियमासियाणसणपत्तपाणंतो । सासयसुक्खसमिद्धं, सिद्धिपुरंधिं समणुपत्तो ॥ ४७३७ ॥ सूरप्पहविज्जुप्पहमुणिणो वि पहीणपावपन्भारा । उप्पन्नकेवला मुक्खसोक्खमक्खेवओ पत्ता ॥ ४७३८ ॥ रयणावली वि अज्जा समुवज्जियविमलकेवलालोया । पडिबोहइ भविओहं मोहं अवहरइ पणयाण ॥ ४७३९ ॥ नयरपुरग्गामागरसंवाहमडंबकब्बडाईसु । देसइ सद्धम्मकहं, अनिययवित्तीए विहरती ॥ ४७४० ॥ आणंदं जणयंती, भव्वाण पसंतनिययमुत्तीए । उप्पायंती तोसं सत्ताणुवएसदाणेणं ॥ ४७४१ ॥ बहुकालकयविहारा, चडिया गिरिरायसिहरिसिहरम्मि । मासोववासअंते, संपत्ता सासयसुहं सा ॥ ४७४२ ॥ सीलेण सक्कमिहहिं राइसुरेसरा वि, सन्नेज्झकज्जकरणुज्जमिणी हवंति । सीलेण हत्थि-हरि-रक्खस-पन्नगाइ सत्ताई झ त्ति वि समिति महासईणं ।। ४७४ सीलेण अग्गी वि जलत्तमेइ, तेणिंति कुंता विहुयंकयत्तं । दुक्खेक्कहेऊ वि सुहाय होइ, सव्वं पि सीलेण महासईणं ॥ ४७४४ । एयाए जहाजायं, सीलं परिपालियं सिवेक्कफलं । अवरस्स वि तह जायइ तात ! परिपालणं क्रज्जं ॥ ४७४५ ॥ भणिओ सीलाहरणे एसो रयणावलीए दिह्रतो । तवधम्मम्मि इयाणिं आयन्नह चंदकंतकहं ॥ ४७४६ ॥ (तवोवरि चंदकंतकहा) | चंदमणिमय-गिहाली, चंदोदयपब्भरं व सलिलेण । सवरिससरयन्मालि व्व अत्थि चंदउरिया नयरी ॥ ४७४७ ॥
Jain Education International
For Private & Personal Use Only
www.jainelibrary.org
