________________
सीलोवरिरयणावलीकहा
नवरायरिसी जाओ अंगोवंगप्पइन्नमाइविऊ । आमोसहिपमुहाओ, लद्धीओ वि तस्स जायाओ || ४७२३ || संठविओ सूरिपए, कुणइ विहारं जणं पबोहंतो । रयणावली वि पत्ता, पारे एक्कारसंगेण ॥ ४७२४ ॥ जंघाचारणलद्धी, एसो गओ रयणसेहरो सूरी । वेयड्ढुच्छंगठिए, रहनेउर - चक्कवालपुरे ॥ ४७२५ ॥ समवसरिओ असोयावयंसनामे मणोहरारामे । तं नाउं सूरप्पहराया रिद्धीए संपत्तो ॥ ४७२६ ॥ अभिवंदिय मुणिइंदं, मुणिणो रयणावलिं च भत्ती उवविट्ठो गुरुपुरओ, तेण वि सद्देसणा कहिया || ४७२७ ॥ भो भव्वा ! भववासं, भावह अच्चंतदुहयरं जेणं । नरय- पुढवीसु सत्तसु वि जायए दुक्खमइतिक्खं ॥ ४७२८ ॥ तिरियगईए वि तं चिय, दंभण-वह-वाह - दोह - दहणाई | मणुयगईए वि न सुहं दरिद्दया रोयसोएहिं ॥। ४७२९ ।। देवगईए विन तं ईसादासत्त - किब्बिसत्तेहिं ।
।
सिद्धी पुण सत्ताणं, सया वि सासयसुहेक्कफला ॥ ४७३० ॥ ता जइ तुब्भे भवभमणभीरुणो अभवसुहसिरिसयन्हा । ता घेत्तुं जिणदिक्खं, सासयसुक्खं समज्जिणह ।। ४७३१ ।।
इय निसुय सूरिसद्देसणेण सूरप्पहेण नरवइणा ।
गंतुं नियपासाए रज्जे रयणप्पहो ठविओ ॥ ४७३२ ॥ रिद्धीए गुरुसयासे, गंतुं संतेउरेण जिणदिक्खा । गहिया तेण तओ सो, तवइ तवं देहनिरवेक्खं || ४७३३ || तो गयणवल्लहपुरं, गंतुं गुरुणा वि बोहिउं तत्थ । विज्जुप्पहस्स दिन्ना, दिक्खा परिहरियवेरस्स ॥ ४७३४ || रयणावलीए दिन्नं, जोग त्ति पवत्तिणी पयं पहुणा । वेयड्ढपुरपहूणं, बहूण दाऊण दिक्खं सो ॥ ४७३५ ॥
Jain Education International
For Private & Personal Use Only
३६
www.jainelibrary.org
