________________
३६८
राणुत्तं भयवं ! धुवं धरिस्सं तुहक्कमारा । गहीयवयं मोरितुलं निव्वुयहिययाहियसमाही ॥ ४७१० ॥ इय जंपिऊण पणमिय गुरूक्कमे गुरुकरेणुमारुहिउं । पुत्तंतेउरपरियण- परियरिओ आगओ भवणे ॥ ४७११ ॥ सव्वुत्तमम्मि लग्गे काऊण सुयस्स रज्जअभिसेयं । न्हाउं अभिनिव्वत्तियबलिकम्मो रईयसिंगारो ।। ४७१२ ।। आरूढो मणिकंचणविणिम्मियाए विसिट्ठसिबियाए । नवरायधरियछतो रमणी चालियचमरजुयलो ।। ४७१३ ।। जद्दरपडिपच्छाईयसुहासणट्ठियपियाहिं परियरिओ । अणुगम्मंतो मंडलिय - मंति- सामंत - चक्केहिं ॥। ४७१४ ॥ आयन्नंतो लीलावईगणुग्गिज्जमाणनियचरियं । अवलोयंतो नववयविलासिणीवग्गनट्टाई ॥ ४७१५ ॥ पूयंतो जिणइंदे दिंतो दाणाई दीणदुन्थाण । तित्थं पभावयंतो, निसुणंतो मागहत्थुईओ ॥ ४७१६ ।। सव्वस्स परिच्चाया, जणयंतो किविण - जण - महच्छरियं । संवेगं जणयंतो भववासविरत्तचित्ताण ॥ ४७१७ ॥ वज्जंतढक्क-बुक्का - नीसाण - निनाय - पूरियदियंतो । गुरुरिद्धीए पत्तोहं सविलासम्मि आरामे ॥ ४७१८ ॥ सिबियाए समुत्तिन्नो, मुत्तुं छत्ताइरायलंकारे । विहिपुव्वं नमइ गुरुं, राया रयणावलीकलिओ ॥ ४७१९ ॥ भणइ य वियरसु मह पहु ! दिक्खं सिक्खं च नियमयाणुगयं । तो सुमुहत्ते दिन्ना दिक्खा सिक्खा य से दुविहा || ४७२० ॥ अवरेहिं वि तेण समं, अमच्च - सामंत - मंडलीएहिं । संतेउरेहिं गहिया, दिक्खा तग्गुरुसमीवम्मि ॥ ४७२१ ।। रयणावलिपमुहाओ, समप्पिया अज्जियाओ अज्जाण । उवहाणकरणपुव्वं, समयमहिज्जंति सव्वाइं ॥ ४७२२ ॥
Jain Education International
सिरिअणंतजिणचरियं
For Private & Personal Use Only
www.jainelibrary.org
