________________
सीलोवरिरयणावलीकहा
पेच्छंती सुरनिम्मियनाणारूवाइं नाडयाइं नहे । भूमिसमारद्वाइं पेच्छणयाई पलोयंती ।। ४६७१ ॥ कुलबहुआ पारद्धे, निरूवयंती सहेलहल्लीसे । नहयरनारी निम्मिय नट्टाई नहे निरिक्खंती ।। ४६७२ ॥ जई निक्कलंकसीले महासइ त्ति जयवन्नणिज्जगुणो । आचंदक्कं नंदसु समुवज्झिय सियजसप्पसरे ।। ४६७३ ।। जं देविं अमयवुट्ठि काउं निव्ववइ जलहरो भुवणं । जं अत्थमुवगओ वि हु पुणरवि तरणी कुणइ उदयं ॥ ४६७४ ॥
जं उच्छलियजलोहा य सायरा नो मुयंति मज्जायं । जं धूली निहियं पि हु होउमसंखं फलइ धन्नं ॥ ४६७५ ॥
तं सव्वं पि महासइपसरइ तुह विमलसीलमाहप्पं । इय अमरासुरखेयरनरत्थुईओ निसामंती ॥ ४६७६ ॥ वियरंती दीणजणुद्धरणनिमित्तं सुवन्नमणिवुठि । परिपूयंती पुज्जे पणमंती पणमणिज्जपए ॥ ४६७७ ॥ अभिनंदिज्जंती जय जीवसु सुइरं ति गोत्तवुड्ढाहिं । उब्बूहिज्जती गुणीजणाण गुणगहणनिरएण ॥ ४६७८ ॥ कय अवयारणएहिं पणमिज्जंती पहम्मि पउरेहिं । अच्चिज्जंती निक्खविय अक्खए पुरपुरंधीहिं ॥ ४६७९ ॥ सिंघाडय-चच्चर-तिय- चउक्कठाणेसु विरइय विलंबा । गुरुरिद्धी पत्ता, निवमंदिरदारदेसम्मि ॥ ४६८० ॥ तत्थक्खय-सिद्धत्थय - दहि-दुव्वा मंगलं समणुहविउं । पविसिय पणमिज्जंती, पउरेहिं सहाए उवविट्ठा ॥ ४६८१ ॥ तो निवइणा सुरासुरनरेसरा, रइयअसमसम्माणा । उवलद्धसई आसीवाया पत्ता सा सठाणेसु ॥ ४६८२ ॥ रायाएसा रयणावली विसुद्धंतभवणमल्लीणा । सूरप्पहो वि पत्तो, निय नयरे निवअणुन्नाओ ॥ ४६८३ ॥
Jain Education International
For Private & Personal Use Only
३६५
www.jainelibrary.org
