________________
सीलोवरिरयणावलीकहा
इय मिलिए उत्तम - मज्झिमाहमे बाल - तरुण - थेरम्मि | लोए लज्जा - दक्खिन्न - नेहभयकोउयायत्ते ॥ ४६१९ ॥ छुट्टति कहं कलुसा, विडंबणं जइ लहेंति विमला वि । इय चिंतिउं व तब्भवण - भीरुया इव गया रयणी ॥ ४६२० ।। अवसरिओ तिमिरभरो ईय दंसे चंदसव्वलोयस्स । देवीए अवसरिही कलंकपंको पि इण्हि पि ।। ४६२१ ।। रयणीए रक्खसालयगयदेवीए निएमि किं जायं । इय कोउयाजणो इव, रवी वि उदयद्दिमारुढो || ४६२२ ॥ एत्यंतरे सईपक्खवायपच्चक्खजायरूवेण । रक्खसराएण कए कंचणकमले समुवविट्ठा ॥ ४६२३ || मुहकंतिनिज्जिएणं चंदेण व दंडदिन्नकिरणेहिं । वीइज्जती पायालकन्नया सेयचमरेहिं ॥ ४६२४ ॥ एसा अखंडसीला अखंडसीलं सया मम वि काही । ईय सेविज्जंती चंदमंडलेणेव छत्तेण ॥ ४६२५ ॥ आभरणी कयमुत्ताजालयमंगट्ठियं परिकलिती । खीरोयहिनिग्गमलग्गखीरबिंदुक्कर व्व सिरी ।। ४६२६ ॥ चूडारयणीकयइंदनीलमणिकिरणकलियसीमंता । सोहं समुव्वहंती मंगलसिरिरइयदुव्वाए || ४६२७ ॥ दिट्ठा नरेसरेणं, विम्यवियसंतनयण-कमलेणं । रयणावलीपियापउरपउरपरिवारसहिएण || ४६२८ ॥ ( कुलयं ) तं दट्ठूणं राया जाओ परिओसपूरिओ दूरं । एयारिसकल्लाणं जायइ नो कस्स तोसाय ॥। ४६२९ ॥
उवणीयं मरणंतं वसणं देवीए जाहिं पावाहिं ।
तासिं करेमि कंपि हु सिक्खं न पुणो वि बिंति जहा || ४६३० ॥
इय चिंतिऊण रक्खसरन्ना पम्मुक्कपुक्कहुंकारे । दढबद्धनिबद्धाओ नहाओ निवडंति महिलाओ || ४६३१ ॥
Jain Education International
३६१
For Private & Personal Use Only
www.jainelibrary.org
