________________
३६०
सिरिअणंतजिणचरियं
पत्ता संझावसरे पज्जलिरचियानले मसाणम्मि । उब्भूय भूयभीमे, भमंतअइघोर-घूयम्मिं ॥ ४६०६ ॥ तम्मज्झे ठावियदेवमंदिरे झ त्ति गंतुमारूढा । आऊरियं असेसं पि, तयणुलोएण देवउलं ॥ ४६०७ ॥ तो देवीए सिरिवीयरायनवकारसुमरणं काउं । भणियं स-बालवुड्ढो महप्पइन्नं जणो सुणउ ॥ ४६०८ ॥ जइ वि जयइ जिणधम्मो जइ वा वि जयइ चउव्विहो संघो । निव्विग्घं जइ विजयं, पावंति महासईओ वि ॥ ४६०९ ॥ ता एय पाय-पउमप्पसायओ मह अवंचियपियाए । तिगरणसुद्धीए वि हु, अजाय-पर-पुरिसभोगाए ॥ ४६१० ॥ सिविणय-वित्तीए वि हु असमीहिय-दईय-रहियपुरिसाए । हासेण वि पुरिसंतरअभणिय उच्चिट्ठवयणाए || ४६११ ॥ मह वेमाणियदेवा जोइसिय-सुरा व वंतरसुरा वा । भवणवइणो व तह पंचलोकपाला वि जे देवा ॥ ४६१२ ॥ आयन्नह सव्वे वि हु महासइपक्खवायकयचित्ता । तुम्हाणं एगो वि हु सईए मह कुणउ सन्नेझं ॥ ४६१३ ॥ वारा विससिय भणिउं उवविट्ठा रक्खसस्स पुरओ सा । तो नरनाहाईओ लोगो पत्तो पुरस्संतो ॥ ४६१४ ॥ झिज्जंतीए निसाए पत्तो राया समागया सचिवा । मिलिया मंडलवइणो संपत्ता झ त्ति सामंता || ४६१५ ॥ उवविट्ठा बंभपुरी कइलासो पासमस्सिओ सहसा । मिलिडं महायणीया समागया अप्फरो फिरिओ ॥ ४६१६ ॥ संघायं आवंता वुद्धा घडिओ झड त्ति आहाडो । सेणीओ वि अट्ठारस मिलियाओ आगओ लोगो || ४६१७ ॥ वेमाणिय-जोइस-भवणवासि-वंतरसुरेहिं गयणयलं । कोऊयसमागएहिं, विमाणवडिएहिं अप्फुन्नं ॥ ४६१८ ॥
Jain Education International
For Private & Personal Use Only
www.jainelibrary.org
