________________
३५९
सीलोवरिरयणावलीकहा चलिया नेउरझंकारमग्गलग्गेहिं गयणहंसेहिं । अणुगम्मती पच्चक्खहूय निम्मलगुणेहिं च ॥ ४५९३ ॥ निययावटेंभेण व मग्गे गच्छंतनिवइणा जुत्ता । धवलछत्तेणं कयच्छाया पुन्नोदयेणेवं ॥ ४५९४ ॥ हारंतरसंठियपउमरायनायगपहायवाहेण । मुत्तेणं पिव लोयाणुरायपसरेण परियरिया ॥ ४५९५ ॥ पिउ-ससुरकुलेहिं समं चलिरेहिं चामरेहिं रेहंती । हारपरियरियाप्पहाए सविं वित्थारंती नयणजोन्हं ॥ ४५९६ ॥ गय-तुरय-रह-सुहासणलंघिणिया मणिविमाणवडिएहिं । अणुगम्मंती सामंत-मंति-मंडलिय-खयरेहिं ॥ ४५९७ ॥ पत्ताए नयरपरिसरदेसो देवीए पुरपहाणनरा । नमिय नरिंदं सिरकयकरकोसा विन्नवंति इमं ॥ ४५९८ ॥ सामिय ! वालसु देविं जेण सईयणसिरोमणी एसा । नज्जइ तणुसोहाए, न हवइ जं सा कुसीलाण ॥ ४५९९ ॥ जेण अजुत्ताणं सुद्धिअवसरे होइ दीणया वयणे । कंपो काए खलणं, गईए चित्तम्मि वियक्कचया ॥ ४६०० ॥ तणुवन्नविविज्जासो, सामलमुहया भओ य उव्वेओ । विद्दाणत्तं नयणे सुसेयसवणं निरुज्जमया ॥ ४६०१ ॥ देवीए न चिंधाणं मणे मज्झाओ अत्थि एगं पि । ता मा कुणसु उवेहं न उवेहा जुज्जइ सुसीले || ४६०२ ॥ रायाह वलइ जइ ता वालह अहयं तु किं पि न भणामि । वाहाहिं धरिज्जंती वि सायरं सकुलवुड्ढाहिं ॥ ४६०३ ॥ नमिय नियत्तिज्जंती वि मंति-मंडलिय-खयरलोएण । दंतगहियंगुलं सहियणेण वारिज्जमाणा वि ॥ ४६०४ ॥ मग्गं रुंभंतीहिं वि सअंसुनयणाहिं सो विदल्लीहिं । पाएसु धरतीहि वि, आसंघयवसयदासीहिं ॥ ४६०५ ॥
Jain Education International
For Private & Personal Use Only
www.jainelibrary.org
