________________
३५८
सिरिअणंतजिणचरियं वंसयविलग्गमुयरं लोहविणिम्मिय महाकडाहं व । जस्स कडीतडमच्चंतसंकडं किविणचित्तं व ॥ ४५८० ॥ निम्मंसढोराउउट्टस्स व जस्स दो वि जंघाओ । गलियंगुलिनहनिवहं चलणजुयं कोडियस्सेव ॥ ४५८१ ॥ एगम्मि तिसूलं तदियरम्मि गुरुकत्तियं करे धरइ । सो दुट्ठदारणो नाम रक्खसो भीममुत्तिधरो ॥ ४५८२ ॥ (कुलयं) धीराणं वि उप्पज्जइ दिट्ठम्मि वि जं मिज्जति संतासो । दिद्रुण तेण मुच्छा आगच्छइ कायराण न किं ॥ ४५८३ ॥ संकियदोसो मुच्चइ संझासमयम्मि रक्खसस्स पुरो । जाइ जणो सव्वो वि हु गोसे तं पेच्छिउं तत्थ ॥ ४५८४ ॥ जो होइ अदोसो सो, जीवंतो तत्थ दीसए नियमा । नवरं बज्झइ सो रक्खसेण जो देइ दोसं से ॥ ४५८५ ॥ जो पुण होइ सदोसो सो गोसे सव्वलोयपच्चक्खं । माऊरं बद्धनद्धो पडणुच्छलणाई काऊण ॥ ४५८६ ॥ वयणेण रुहिरवरिसं मुंचंतो सव्वजणकयुत्तासं । देवउलग्गठियम्मि उच्छलिउं निवडइ तिसूले ॥ ४५८७ ॥ निन्भिन्नदेहजट्ठी होऊण झडत्ति जाइ पंचत्तं । ता सो च्चिय दईए, दुट्ठरक्खसो आयरेयव्वो ॥ ४५८८ ॥ तस्सायरणा तुहामयजसहरो धवलिही तिहुयणं पि । तह भविही दुट्ठाणं सिक्खा दुक्खाइरेगेण ॥ ४५८९ ॥ एवं ति जंपिउं सणिदिणे ठिया चत्तचउव्विहाहारा । देवी पसंतचित्ता सुमरंती पंचपरमेट्ठि ॥ ४५९० ॥ रविवारगोससमए कलंकपंकं च खालिङ न्हाया । धवलीकयसव्वंगा सजसेण व चंदणरसेण ॥ ४५९१ ॥ मुत्तालंकारेणं सीलेण व निम्मलेण लंकरिया । धम्मेण व धवलेणं पडएर्ण च्छाईयसरीरा ॥ ४५९२ ॥
Jain Education International
For Private & Personal Use Only
www.jainelibrary.org
