________________
सीलोवरिरयणावलीकहा
३५७
इय जंपिऊण देवी, सुद्धताओ सहीए आहूया । पत्ता यमघरकमगमणरणज्झगिरमंजीरा ॥ ४५६७ ॥ . दासी वयंसिया सो विदल्लियाईहिं अणुसरिज्जंती । अंगुट्ठी अवगुंठियमुही ठिया रायपायपुरो ॥ ४५६८ ॥ सारत्थं संपेसिय खेयरपुरिसाओ नाउमणुपत्ता । सूरप्पहनरनाहाइनहयरा वि हु विमाणेहिं ॥ ४५६९ ॥ सद्धिं नरनाहेणं उचियपडिवत्तिकरणपुव्वं ते । आउच्छिय रयणावलिवुत्तंता दुम्मणा जाया ॥ ४५७० ॥ संभासियं सुयं खेयरेसरो भणइ पुत्ति ! इण्हि पि । अवलंबिऊण साहसमत्ताणं कुणसु जरापत्तं ॥ ४५७१ ॥ रायाह देवि ! जइ तं परिपालिय विमलसीलबलकलिया । ता धिज्जेणं केणावि कुणसु अत्ताणमकलंकं ॥ ४५७२ ॥ सा आह देव ! तं चेव धिज्जमुवइससु जमइदुहँ से । दुज्जणजणाण वयणेसु जेण मसिकुच्चयं देमि ॥ ४५७३ ॥ राइएणुत्तं इह देवि ! दाहिणदिसाए मसाणमज्झम्मि । देवउलठिओ विड्डइ दिट्ठो घोरो कयंत व्व ॥ ४५७४ ॥ मक्कडकराडगंडयल-रोमसमलहुयसीसकेसधरो ।। नरमंसपयणकज्जे सिररईयवियग्गिजालो व्व ॥ ४५७५ ॥ संकिन्नकूवियादुगपडिबिंबियरविदुगं च जो वहइ । अच्चंतनिववद्दुलपिंगलतारं नयणजुयलं च ॥ ४५७६ ॥ निम्मंसपसारियरोद्दवयणनिस्सारियदीहजीहं जो । विमलमज्झभालयलवलिरगोरसप्पं च पयडेइ ॥ ४५७७ ॥ अइसरलसप्पगीवग्गसंगई धरइ जो करालसिरं । सूलग्गनिहियतक्करसीसं पिव भूरिभयजणयं ॥ ४५७८ ॥ निम्मंसट्ठिसमपरसु सेडियखेत्तं व जस्स वच्छलयं । जिन्नायगरजुयं पिव बाहुजुयं सिढिलमइदीहं ॥ ४५७९ ॥
Jain Education International
For Private & Personal Use Only
www.jainelibrary.org
