________________
३५६
विन्नाय रायहिययाभिप्पाया पायपणइपुव्वं ते । साहंति जहा निसुयं नाए गोविज्जए किं वा ? ॥ ४५५४ ॥ जंपंति य पहु ! बहुसो निवारियाओ वि नेव नारीओ । विरमंति अवज्जपयंपणाउ पावाउ किं करिमो ? || ४५५५ ॥ जइ पुण घणंघउ वि हु सामिय ! पुरिसो पयंपिए किं पि । ता कहह जहा तं तुम्ह पायपुरओ वि मारेमो ॥ ४५५६ ॥ भाइ नरिंदो तुब्भे मा बीहह निग्गहेमि नेगं पि । कहह पुणो मह दईया, झत्ति संसोहणोवायं ॥ ४५५७ ॥ जल-घडय-कणय - रुप्पय - गोलय - आगरिसणं घडाहिस्सं । आयट्टणं व फालं व कुंतपयरग्गपडणं वा ॥ ४५५८ ।। चियवडणं वा विसभक्खणं व अहवा गहीरजलबुडणं । धडवडणं वा संतत्ततेल्लगयमासगहणं वा ॥ ४५५९ ॥ तावियतउपाणं वा, गत्तासंगोवणं च कोसे वा । पाणंतकारि अइदुट्ठदेवया भवणवासो वा ॥ ४५६० ॥ अन्नं वा जइ वा किंचि वि दुट्ठयरं फुरइ तुम्ह हिययम्मि । विन्नवह तयं जह निय कंतं सोहेमि तुम्ह पुरो ॥ ४५६१ || जइ सुज्झइ ता तं नियघरम्मि आणेइ गरुयरिद्धिए । अह नो ता पच्चक्खं तुम्हाण तयं विणासेमि || ४५६२ ॥ तं सोऊण निवं विन्नवंति सव्वे पुरप्पहाण - नरा । का नाम देवसुद्धी विसुद्धसीलस्सहावाण ? || ४५६३ || संभवइ जत्थ संका, पच्चक्खं चेव नज्जइ अकज्जं । दिज्जइ तत्थ विसुद्धी, विसुद्धसीलाण किं तीए ? ॥ ४५६४ ॥ राणुत्तं जुत्ता विन्नत्ती तीए संगया तुम्ह ।
परमेत्थ नप्पईई, उप्पज्जइ दुज्जणजणस्स ॥ ४५६५ ॥
सिरिअणंतजिणचरिय
तं मज्झम्मि पुणो होइ नूण महिलाजणो महादुट्ठा । देवी सुद्धिं अदाणे जायइ सच्चं च्चिय तदुत्ती ॥ ४५६६ ॥
Jain Education International
For Private & Personal Use Only
www.jainelibrary.org
