________________
३५१
सीलोवरिरयणावलीकहा तीयुत्तं जं जुत्तं तं जंपसु भणसु मा पुण अजुत्तं । “थोवं पि आइरिज्जइ, भव्वमभव्वं न बहुयं पि” ॥ ४४८९ ॥ चलणमणो वि नरिंदो, तस्सिक्खा सवणकारणम्मि ठिओ । उस्सुयमणा वि गरुया, कारणवसओ विलंबंति” ॥ ४४९० ॥ आह महिंददईए दुस्सीलसहीण संगमं चयसु । जेण कुसंसग्गेणं जायइ निल्लज्जया दूरं ॥ ४४९१ ॥ भवइ य धम्मभंसो कुलमकलंकं पि होइ सकलंकं । विमलो वि हु मइलिज्जइ अप्पा अयसो समुल्लसइ ॥ ४४९२ ॥ उप्पज्जइ पावभरो, दुस्सीलत्तं पि हवइ नियमेण । अवसरइ साहुवाओ, सुकयं पि पलायए दूरं ॥ ४४९३ ॥ ता सव्वहा न कज्जो, अज्जदिणाओ तए कुसंसग्गो । तुह हियकरो अहं जंपतो णेगंते पयंपेमि ॥ ४४९४ ।। तं सोउं सकसाया, जंपइ कंत ! कत्थ केण समं ? | दिट्ठाहमकज्जपरा, रयणावलिय व्व महं कहसु ॥ ४४९५ ॥ तं सोउं ईसिसंखुहियमाणसो नरवई विचिंतेइ । केणेयाए रयणावली कुसील त्ति निद्दिट्ठा || ४४९६ ॥ इय चिंतंतम्मि निवे तेणुत्ता सा पयाससु पिए ! तं । रयणावलिं तए जा कया कुसीलत्तदिळं ते ॥ ४४९७ ॥ सा भणइ जयपसिद्धं पि रायकंतं न तं वियाणेसिं ? । विज्जुप्पहखयरेणं हरिऊण गिरिम्मि भुत्ता जा ॥ ४४९८ ॥ भणइ महिंदो संतं पावं पुणरवि भणेज्ज मा एवं । जं सा महासइ च्चिय, निव्वडिया रायपच्चक्खं ॥ ४४९९ ॥ सोउं सुसीलकंता, कलंकणं कोवदट्ठ-अहरदलो । आबद्धभिउडिभेरवभालो आरत्तनयणदुगो ॥ ४५०० ॥ आइड्ढइ कोसाओ, तं हणिउं झ त्ति तिव्वतरवारिं । चिंतइ इमं हणेउं, रायकलंकणफलं देमि ॥ ४५०१ ॥
Jain Education International
For Private & Personal Use Only
www.jainelibrary.org
