________________
सीलोवरिरयणावलीकहा
३४३ कप्पर-सरल-चंदण-कंकोलय-देवदारुदमरम्मं । एला-गुरु-लवलि-लवंग-जाइ-तय-नायपरिकलियं ॥ ४३८५ ॥ सव्वुत्तमेक्कपयमवि विलसिरछप्पय-विरायमाणं जं । चक्कंगविहियवासं, सारंगसमस्सियं पि सया ॥ ४३८६ ॥ तस्संतो उत्तुंगं कणयमयं देवमंदिरं नियइ । तलभद्दसालकलियं, रुंदं मंदरगिरिंदं व ॥ ४३८७ ॥ जस्स दुवारदेसे, अनिलचलं दीसए तमालवणं । वंदारुलोयपायं व देवभयओ पकंपंतं ॥ ४३८८ ॥ रयणीसु जं चउद्दिसि-पडिबिंबियतारयुक्करं सहइ । गिरिरायमउडआभरणमिव मणीजणियसिंगारं ॥ ४३८९ ॥ जस्स उरसिहरयाई तडुविय-सिहंडि-वलकलावाइं । अनिलचलिरहुमाई, गिरिसिहराई व सोहंति ॥ ४३९० ॥ मज्झम्मि तस्स नवपउमरायमाणिक्कनिम्मियं नियइ । राया तित्थेसर-वासुपुज्ज-पहुबिंबमइरम्मं ॥ ४३९१ ॥ तं दठुमतुच्छसमुच्छलंत-गुरुभत्ति-निब्भरसरीरो । रयणावलीसमेओ, पणमइ महिमिलियभालयले ॥ ४३९२ ॥ भणइ य पिएऽवहारो वि मज्झ हारो व्व गुरुगुणो जाओ । जस्स पभावओ एस नायगो एत्थ सच्चविओ ॥ ४३९३ ॥ वारं वारं पणमियपहु-पय-सयवत्तमुत्तमाणंदो । भूमिगयदिट्ठी सपिओ वि नरवई तत्थ उवविट्ठो ॥ ४३९४ ॥ एत्थंतरम्मि सूरप्पहाइणो नहयरा नहयलेण । विन्नाय रायहरणा संपत्ता तम्मि जिणभवणे ॥ ४३९५ ॥ वंदिय जिणिंदमाभासिउं निवं दुहियरं च उवविट्ठा ॥ पुढेण निवेण नियं कहियं हरणाइखयराण ॥ ४३९६ ॥ जामाओ जलनिहिपडणसवणओ ससुरओ सिरं धुणइ । सीयलजलफरिसायन्नणे वि उप्पन्नकंपो व्व ॥ ४३९७ ॥
Jain Education International
For Private & Personal Use Only
www.jainelibrary.org
