________________
(कमलपुरनयरवण्णणं)
देव! ऽत्थि भूरिपत्तं पयासियं रायहंसकयसोहं । विलसिरसिरीनिवासं, नयरं कमलं व्व कमलपुरं ॥ ८२ ॥ पेरंतभमरभरपूरियं व परिभमिरतिमिरपसरं व्व । कालोयजलहिपरिवेढियं व गुलियाविलइयं व ॥ ८३ ॥ घणपडलावरियं पिव मयनाहिरसोवलित्तअंतं व । चउदिसि - तमालतरुसंडमंडलीमंडियघरं व ॥ ८४ ॥ सव्वत्तो कालिंदीजलकलियं विव विरायए जं च । सामलरयणसिलासालपिहुपहाजालकयवेढं ॥ ८५ ॥ (कुलयं)
(कमलकेसरो राया)
सिरिअणंतजिणचरियं
तं परिपालइ सिरिकमलकेसरो कमलकेसरामोओ । रायारायामलकित्तिवित्थरुज्जोइयदियंतो ॥ ८६ ॥ अवसारिज्जइ जस्स प्पयाववुड्ढिए सत्तुनिवकित्ती । सूरप्पयारपसेरण चंदजोन्ह व्व भुवणाओ ॥ ८७ ॥ धणओ अत्थीण जमो रिऊण सूरो पयावपसरस्स । कामो कंताण नरो वि भूरिदेवावयारो जो ॥ ८८ ॥ ( कमलसिरी राणी)
तस्सऽत्थि सव्वसुद्धंतकामिणीसामिणी - सुगयगमणी । विलसिरकमकमलसिरी कमलसिरी नामिया दइया ॥ ८९ ॥ जा गुरुगुणरूवयचित्तसालिया सीलहंसपुक्खरिणी । कित्तिसुहासिंधुसिरी, कप्पलया जायगजणस्स ॥ ९० ॥ ( कमलावली रायकन्ना)
तीयत्थि समग्गकलाकलावकलणिक्कपव्वचंदसिरी । कन्ना वयणविणिज्जियकमला कमलावली नामा ॥ ९९ ।। जा सविलासुल्लसमाणतत्तदित्तीए मुहमयंकस्स । वित्थारइ जोन्हभरं, पाणत्थं पिव चओराण ॥ ९२ ॥
Jain Education International
For Private & Personal Use Only
www.jainelibrary.org
