________________
पढमपत्थावो कइया वि पकामपियासु रइपसंगा वि हरियमणवित्ती । कामि व्व वाहियालिए वाहए वाहविंदाइं ॥ ६९ ॥ कइया वि रायमंडलकलिओ पसरइ सुतारआभरणो । विप्फुरियगुरुपहारो, दुहा जए धवलपक्खो व्व ॥ ७० ॥ सोरज्जरंजियजए, पालंते तम्मि रज्जमणवज्जं ।। कंपइ पवणेण तणं, न उण मणं कस्सइ भएण ॥ ७१ ॥ उज्झित्ताण पहारा, दिज्जति सया वि तरुणि-सहिणाण ।. सुविणे वि सुवित्ताणं, न उणो नयनिट्ठलोयाण ॥ ७२ ॥ दीसइ सुवण्णदंडो, पडिहारकरे इ निवदुवारेसु । परलोयभीरुयाणं, अकयविणासाण सो कत्तो ? ॥ ७३ ॥ परदारासेवा सेवयाण न उणो सुसीलपुरिसाण । न नरा आराम च्चिय संजायकलिप्पियालवणा ॥ ७४ ॥ दूरे महिलासु पइव्वयासु तत्ते वि नत्थि असइत्तं नऽन्नस्स मुणीण पुणो, समत्थि परलोयभीरुत्तं ॥ ७५ ॥ अह अन्नया य राया, रयणाहरणप्पहादुरवलोओ । कणयासणे सह ठिए, निविसइ सक्को व्व मेरुम्मि ॥ ७६ ॥ सेविज्जंतो नरनाह-मंति-सामंत-मंडलवईहिं । जा चिट्ठइ रणनिव्वडियभडकहासवणवक्खित्तो ॥ ७७ ॥ ता वज्जावलिविलसिरमुत्तावलइय-पिसंडिदंडकरो । पडिहारो पणयपहू, कयंजली विन्नवेइ इमं ॥ ७८ ॥ (जुयल) देव ! दुवारे दूओ, समागओ कमलकेसरनिवस्स ।। पहुदंसणं समीहइ इह अत्थे देह मह आणं ॥ ७९ ॥ आह पहू मुंचसु वेत्तवर ! तयं तयणु तेण सो मुक्को । पेच्छइ निवविंदारयविंदाहियसेवमवणिवइं ॥ ८० ॥ गंतुं नियडे विणइं मणिकुट्टिमघडियभालमभिनमइ । दिण्णासणे निविट्ठो विन्नवइ य रइयकरकोसो || ८१ ॥
Jain Education International
For Private & Personal Use Only
www.jainelibrary.org
