________________
३३८
सो एसो मह वेरी खेयरखेडो पिया जुओ जेणं । हरिओ हं ता एयं मारेमि दुयं दुरायारं ।। ४३२० ॥ इय चिंतिय तेणासीरोसुक्करिसा विकोसिओ सहसा । परिभावियं च जमिमो कुणइ पियाए तमिक्खेमि ॥। ४३२१ ।। पच्छा वि हु मारिस्सं नियसत्तुं इय विचिंतिउं कोसे । खिविऊणुग्गं खग्गं ठिओ सयं निच्चलो चेव || ४३२२ ॥ खेयरवइणा रयणावली इमं जंपिया पिए ! मुणसु । मं उत्तरसेणीए नाहं विज्जुप्पहनरिंदं ॥ ४३२३ ||
सिरिअणंतजिणचरियं
कन्नत्ते वि मह तए दिट्ठाए वि सुयणु ! चित्तमवहरिडं । मग्गाविउ तुह पिया तुमं विइन्ना न मह तेण ।। ४३२४ ॥ तद्दिवसाओ वि मह दह मणवणं तुह विओयदाउग्गी । थलखित्तमच्छओ विव सुहलवमवि नेव पावेमि ।। ४३२५ ॥ अवलोयणमित्तं पि हु मन्नामि पिए महापसाओ त्ति । आलवणं पुण तुज्झं तिहुयणरज्जाहिसेयं व ॥ ४३२६ ॥ तुज्झाएसकरे मइ साहीणा तुह मयच्छि ! मह लच्छी । तह मह अंतेउरमवि उव्वहिही देवि ! दासितं । ४३२७ ॥ ता सव्वा वि बहुदिणमयणानलजालजलिरदेहं मे । निययंगसंगमामयरसेण निव्वसु पसयच्छी ! ॥। ४३२८ ॥ तं सोउं तीयुत्तं किं भाय ! पयंपसे असंबद्धं । नीइए पवत्तयाणं न हुंति एवं समुल्लावा ।। ४३२९ ।। ज गुरुवंसुप्पन्ना वि नायनिस्सेससत्य - अत्था वि । एवं चिंति अजुत्तं, ता इयरजणस्स को दोसो ? ।। ४३३० ॥ तुम्हारिसा वि सुपहप्पयासयाउ उप्पहेण जई जंति । वज्जियमज्जायाणं का वत्ता ता अणज्जाण ? || ४३३१ ॥ रायाणो वि हु गरूया जइ हुंति अकज्जकरणतल्लिच्छा । ता तिव्वतरंगारे किरइ कराले सिसिरकिरणो ॥ ४३३२ ॥
Jain Education International
For Private & Personal Use Only
www.jainelibrary.org
