________________
सीलोवरिरयणावलीकहा
तं पेच्छिउं व चिंतइ नरेसरो एयमिह महच्छरियं । जं दुग्गगिरिसिरग्गे उवविट्ठा दीसइ तुरंगी ॥ ४३०७ ॥ कहमिह चडिया एसा किच्छेणारुहइ जत्थ पुरिसो वि । तूलीए सन्निसन्ना घासग्गासाइ वि न अत्थि ॥ ४३०८ ॥ पयईए चंचलतं होइ हयाणं थिरा पुणो एसा । ता होयव्वं केणावि कारणेणेत्थ अत्थम्मि ।। ४३०९ ॥ इय परिभाविय राया अंबयसाहाए देइ दिठि जा । ता पेच्छइ अवलंबिय मुत्ते जिय धारकरवालं ॥ ४३१० ॥ घेत्तूण कोउएणं कड्ढइ कोसाओ तं महत्थं च । मुट्ठीए चेवेगत्थं किविणजणविइन्नदाणं व ॥ ४३११ ॥ परिविलसिरपाणीयं सरं व पुक्खरविरायमाणं व । निम्मलधारासारं समुन्नयं मेहपडलं व ॥ ४३१२ ॥ दिन्नपहाराहियहरसाहियसिंगारतरुणिविंदं व ।
छत्तं व घणच्छायं, जवसहियं तुरयभोज्जं च ।। ४३१३ || (कुलयं) तो कोसे निहियअसिं तुरंगिरक्खयनरेक्खणा य ठिओ । बहलकयलीदलाली अंतरिओ निच्चलो जाव ॥ ४३१४ ॥ ताव गयणंगणेणं विज्जुप्पहनहयरो समणुपत्तो । पासम्म तुरंगीए जा छोडइ कंठआभरणं ॥ ४३१५ ॥ ता सहसा सव्वुत्तमसिंगारविराईयं नियं दइयं । रयणावलिमवलोयइ जायं तुरंगित्तमुज्झेउं ॥ ४३१६ ॥ वामकरनिहियवयणि थूलंसु य विसरदंतुरियनयणिं । अइदीहरनीसासुल्लासियगिरिसिररयप्पसरं ॥ ४३१७ ॥ दछ्रण तुरंगीए आहरणोयारणे नियपियत्तं । विम्हियमणो नरिंदो लग्गो परिभाविडं एवं ॥ ४३१८ ॥ अच्छरियकारिणीओ जीवाणं कम्मपरिणईओ जओ । एगभवे वि पियाए, जायं नर- तिरय - भवजुयलं ॥ ४३१९ ॥
Jain Education International
३३७
For Private & Personal Use Only
www.jainelibrary.org
