________________
३३५
सीलोवरिरयणावलीकहा सलिलावेगवसेणं अभिडिउं गिरितडे वलइ सिग्छ । अहवा दिट्ठअवाओ पुणरवि को तं समल्लियइ ॥ ४२८१ ।। पावइ जलनिहिपडिओ मच्छयपुच्छच्छडाभिघाए सो । पायमवाया अवरे वि हुंति अहवावयगयाणं ॥ ४२८२ ॥ कत्थइ वियडविडंबियदाढमुहो समेइ समुहो से ।। अइघोरतरो मयरो जमो व्व गिलिउं घुरुहुरंतो ॥ ४२८३ ॥ रायमयरंतरुच्छलियपबलजलहत्थिणा सफलओ वि । मा मज्जिओ य मरउ इह त्ति चिंतिउं पिव नहे खित्तो ॥ ४२८४ ॥ अद्धंतरालए बहिविछुट्टिनिवडियं जले फलियं । सजडप्पयईणहवा कत्तो पडिवन्ननिव्वाहो ॥ ४२८५ ॥ जलकरिकरपेरणओ दूरे गंतुं निवो अहो पडइ । आहारविरहियाणं अहवा कत्तो अवट्ठाणं ॥ ४२८६ ॥ निस्साहारं परिनिवडिरस्स रन्नो झड त्ति संपत्तं । रवितेयसुरविमाणं सुहहेऊ रायपुन्नं च ॥ ४२८७ ॥ पडिओ दड त्ति मणिकुट्टिमे तओ तस्स आगया मुच्छा । निद्द व्व सव्वचेयन्नाहारिणीं मउलियच्छिउडी ॥ ४२८८ ॥ तो नियमाहप्पेणं रवितेयसुरेण सो कओ सत्थो । दूरट्ठियाण वि कज्जो उवयारो किं न नियडाण ? ॥ ४२८९ ॥ दटुं परिचेट्ठपरं अमरं पणमइ नरेसरो विणइं । आयारलंघणं किं कुणंति कईया वि सुकुलीणा ? || ४२९० ॥ आउच्छिएण कहिओ निवेण अमरस्स निययवुत्तंतो । जो अकहियं पि जाणइ गोविज्जइ तस्स किं किंपि ॥ ४२९१ ॥ तं दिव्वनाणनयणो ता पुहु ! मह कहसु केण हरिओ हं । नेऊण कत्थ मुक्का य मह पियाई य निवेणुत्ते ॥ ४२९२ ॥ भणियं सुरेण वेयड्ढपव्वयुत्तरब्भवाए सेढीए । सिरिगयणवल्लहपुराहिवेण विज्जुप्पहनिवेण ॥ ४२९३ ॥
Jain Education International
For Private & Personal Use Only
www.jainelibrary.org
