________________
३३४
सिरिअणंतजिणचरियं
निवदाविएसु भद्दासणेसु नहयरनिवासमुवविट्ठा । रायागमणे जाओ सव्वजणाणं सुहुक्करिसो ॥ ४२६९ ॥ एत्थंतरे निवो नयकमेण सचिवेण पणमिउं पुट्ठो । हरणाइआगमं तं पहुचरियं सोउमिच्छामि ॥ ४२७० ॥ तो नरनाहाऽऽएसा खयरो रविसेहरो कहइ तस्स । आभोइणि-विज्जाबलविन्नायं राइणो चरियं ॥ ४२७१ ॥ तहाहि - मंति तुमं पि हु जाणसि जहा निवो सारिकीलणासत्तो ।
अवहरिओ सपिओ वि हु गरुडुन्नइयपक्खिमिहुणेण || ४२७२ ॥ निवमवरुंडिय गाढं, जंतो गयणेण गुरुतररएण । पत्तो उवरिमभायं सो दुत्तरलवणजलनिहिणो ॥ ४२७३ ॥ पेच्छइ गुरुनीरनिहिं चलंतअईगरुयकालकल्लोलं । अंतोहुत्त विणिग्गयतरंततिमिरनियरकलियं व ॥ ४२७४ ॥ तो तेण तम्मि राया दड त्ति खित्तो करालमयरहरे । पावेणं पिव जीवो झड त्ति दुहदाइनरयम्मि || ४२७५ ॥ वलिओ वेगेण गओ पक्खिवरो झ त्ति सो सठाणम्मि । चिट्ठइ न परट्ठाणे सउणो सिद्धे सकज्जम्मि ॥ ४२७६ ॥ पडिङ जलम्मि मग्गो रएण राया तओ समुच्छलिओ । विवयाओ संपया इव पयासयंतो व्व पाणीणा ॥ ४२७७ ॥ तेण बहुमज्जणुम्मज्जणेहिं जलतारणक्खसंफलयं ।। पत्तं भवपारकरं भव्वेण जिणिंदवयणं व्व ॥ ४२७८ ॥ आरूढो तम्मि तुरंगमे व्व पयवेगकयपरिब्भमणे । मग्गे व्व समुद्दम्मि बहुविहुमविरईयच्छाए ॥ ४२७९ ॥ तो कत्थइ दढदंडब्भामियगुरुकुंभयरेव कड्ढिओ भमइ । जलावत्ते सो मट्टियपिंडो व्व फलयगओ ॥ ४२८० ॥
Jain Education International
For Private & Personal Use Only
www.jainelibrary.org
