________________
३३०
नियगुणगरिमत्तेणं साहइ गुणिणो जयं पि कज्जाई । धणगव्विय विगुणाणं, न कोइ किं पि हु करेइ जओ ॥ ४२१७ ॥ गुणिणो नियगुणगरुयत्तणेण पसंतभुवणं पि साहेज्जा । सव्वस्सुवेक्खणीया इयरे पुण कत्थ वच्चंतु ॥ ४२९८ ॥ पूइज्जति जणेणं मन्निज्जंति य नरेसरेहिं पि ।
किं बहुणा अमरा वि हु वड्ढंति वसे गुणिजणाणं ।। ४२१९ ॥ जायइ जणाणुराओ उप्पज्जइ चंदनिम्मला कित्ती । नूणं परजम्मो वि हु गुणवंताणं सुहो होइ ॥ ४२२० ॥ सारासारविवेगो धम्माधम्मफलम्मि विन्नाणं ।
जुत्ताजुत्तायरणं गुणीण नवरं परिप्फुरइ ॥ ४२२१ ॥
जायं पि धणं नासइ कस्सइ उप्पज्जए विट्ठपि । जे पुण गुणा न तेसिं नासो वुड्ढि च्चिय विसिट्ठा ॥ ४२२२ ॥ ता सुयणु ! असग्गाहं मुंचसु अत्थप्पसंसणसरूवं ।
जं जाणिय परमत्थाण मूढया होइ न कयाइ || ४२२३ || जाइय वुत्ता विन सामिसाल ! मुंचइ इमा असग्गाहं । ता वुज्झावेमि इमं केणइ गुणिण त्ति चिंतेउं ॥ ४२२४ ॥ तुम्ह सयासे पत्तो रायाह अहं गुणी कहं नाओ । तुमए त्ति तो पपई, पक्खी तं पि हु निसामेसु ।। ४२२५ ॥ देव ! जया तं वेयड्ढपव्वया परिणिऊण गयणेण । वलिओ तइया नायं मए जहा एस गुणगरूओ || ४२२६ || जो भूमिगोयरो विहु वीवाहियं नहयरिं सगुणरू । ते गुणहीणा खयरा तो कन्ना ताण नो दिन्ना ॥ ४२२७ || ता देव ! विवायमिमं हरिउं अम्हाण कुणसु संवित्तिं । उवयारमभणिया विहु कुणंति गरूया न किं भणिया ? तं सोउं जाव निवो परिभावइ तव्विवायभंगं ता । पक्खिमिहुणेण कयनररूवेण हिओ स-कंतो वि ॥ ४२२९ ॥
Jain Education International
सिरिअणंतजिणचरियं
For Private & Personal Use Only
॥ ४२२८ ॥
www.jainelibrary.org
