________________
३२८
सिरिअणंतजिणचरियं कम्मि वि समए सिंगारसुंदरो विहियभोयणो राया । अंतेउरम्मि गंतुं पविसइ रयणावली भवणे ॥ ४१९१ ॥ उवविसइ चंदमणिचंदसालियामणिमयासणुच्छंगे । कीलेडं पारद्धो सारीहिं समं नवपियाए || ४१९२ ॥ एत्थंतरम्मि गयणेण गरुयवेगेण गरुडउन्नइयं । नरवयणं पक्खिमिहुणं सहस त्ति निवंतियं पत्तं ॥ ४१९३ ॥ पणमिय निवपयसयदलमुवविट्ठो निवइणो पुरो पक्खी । तह पक्खिणी वि देवी संनिज्झे पढइ तो पक्खी ॥ ४१९४ ॥ कमलाहरे विराईयसुद्धोभयपक्खमहुरसरसहिया । असमए य माणसा वा सजयतु मं रायहंससया || ४१९५ ॥ तं सोउं नरवइणा भणियं पक्खिद ! पाडवमपुव्वं । तुह पढियस्स अपुव्वा छेउत्ती चिय मणो हरइ ॥ ४१९६ ॥ मुत्ती वि तुह अउव्वा जं पक्खिसरीरए मणुयवयणं । अच्छेरयाई अहवा दीसंति जए असरिसाइं ॥ ४१९७ ॥ ता कहसु किमत्थं इह कत्तो वा आगओ सि सो आह । नरनाह ! तमायन्नसु जो तुमए पुच्छिओ अत्थो ॥ ४१९८ ।। उत्तरदिसाए बहुं पहुं हिम-सिहरस्सेणि-रुद्ध-नह-रंधो से । अत्थि गुरुनयरसोहो वेयड्ढगिरि व्व हिमसेलो ॥ ४१९९ ॥ बहुसाहसिओ चोरग्गामो व्व समत्थि तस्स आसन्नो । आरामो बहुपत्तप्पसवसिओ पुन्नपुरिसो व्व ॥ ४२०० ॥ तं मज्झे नीलदलो रत्तफलो अत्थि गुरुयनग्गोहो । मरगयमणिपुंजो विव करंबिओ पउमराएहिं ॥ ४२०१ ॥ जो अक्खओ विसक्खओ उत्तमपत्तासिओ वि जडसहिओ । बहुपाओ वि अचलणो, विलसिरसालो विसालो वि ॥ ४२०२ ॥ सुयणे व्व तावहरए तम्मि कुलायम्मि विरईया वासो । नवनेहनिब्भराए एय पियाए सहच्छामि ॥ ४२०३ ॥
Jain Education International
For Private & Personal Use Only
www.jainelibrary.org
