________________
३२६
सिरिअणंतजिणचरियं धवलिज्जइ तरुणविलासिणीकरुल्लसिरसेयचमरेहिं । चलगयवसरिंखोलियमुत्ताहारप्पहाहिं व ॥ ४१६५ ॥ गयहयरहेसु चडिउं चलिया निवमंडलियसामंता । परिवेढिज्जंतो तेहिं पविसए नयरमवणिवई ॥ ४१६६|| तो मणिविमाणचडिया चलिया खयरेसरा नहयलेण । अमरा नरेसरपुरपवेसमवलोइडं च पत्ता ॥ ४१६७ ॥ दुडुदुडिडमरुयढुक्काढक्कातंबक्कबुक्करावेण । बहिरंतो बंभंडं पासाय-पडिरवेहिं च || ४१६८ ॥ आयन्नंतो वीणावेणुरवुम्मिस्सकामिणी गीयं । अवलोयंतो करणक्कमरमणीयं रमणिनढें ॥ ४१६९ ॥ पविसंतम्मि नरिंदे खुहिओ सव्वो वि पुरजणो झत्ति । छणहरिणलंछणम्मि उदिए सायरजलोहो व्व ॥ ४१७० ।। रायमंदिरहट्टालएसु कोऊहलुक्कलियकलिओ । आरूढो रायनिरिक्खणाय लीलावईवग्गो ॥ ४१७१ ॥ अंजियएगच्छि निवपवेसपरवसमणा गया वीहिं । दट्टुं सकया लुड्ढा जणेण पहसिज्जए का वि ॥ ४१७२ ।। कन्नेसु कंकणाई तइंसणऊसुयाए खित्ताइ । कीए वि अवराए पुण रसणा कंठम्मि निक्खित्ता ॥ ४१७३ ॥ उव्वेलिंती केसे मुक्कलबाला गया निवपवेसे । का वि असंवुयदेहा नज्जइ भूयाभिभूय व्व ॥ ४१७४ ॥ निवदंसणूसुयमणा घुसिणं मुत्तूण जावयरसेण । का वि कयअंगराया रुहिरसिणाय व्व चामुंडा ॥ ४१७५ ॥ का वि पयंपई पियसहि ! एस अणंगो वि पत्तपवरंगो । नियरूवविजियअमरी एसा हु धुवं रईरामा || ४१७६ ॥ अवरा जंपइ पुरिसोत्तमो इमो संख चक्कगयपाणी । एसा कमलधरकरा नूणं पयप्पिया लच्छी ॥ ४१७७ ॥
Jain Education International
For Private & Personal Use Only
www.jainelibrary.org
