________________
३२०
सिरिअणंतजिणचरियं नयणाणंदो राया रज्जे ठविउं सुयं जयाणंदं । काऊण किं पि अन्नाणकट्ठममरत्तणं पत्तो ॥ ४०८७ ॥ तत्तो चविउं भमिउं भवम्मि सिरिगयणवल्लहे नयरे । जाओ नहयरनाहो विज्जुप्पहनामविक्खाओ || ४०८८ ॥ उब्बंधणेण नयसुंदरी मया भमिय भीमभववासे । कयसुकया तुज्झ सुया जाया रयणावली नाम ॥ ४०८९ ॥ नयसुंदरी भवम्मि पुरिसे जाओ जमासि विद्देसो । तं सा तुह दुहियत्ते वि पुरिसविद्देसिणी जाया ॥ ४०९० ॥ तह कह विवद्धिओ से विद्देसो असरिओ पुरिसविसए । जह पुरिसपवित्ती वि हु दहइ तयं जलणजाल व्व ॥ ४०९१ ॥ कईया वि हु विज्जुप्पहरन्ना नंदीसरम्मि जंतेण । उज्जाणे कीलंती दिट्ठा रयणावली बाला ॥ ४०९२ ॥ नयणाणंदनिवत्ते जा मंतिपियाए आसि अणुराओ । सो च्चिय पाउब्भूओ तं दटुं तस्स सहस त्ति ॥ ४०९३ ॥ ता नहयरिंद ! नियकम्मविलसियं पुव्वभवभवं पायं । पावइ जीवो पत्ता जह कन्ना पुरिसद्देसं ते ॥ ४०९४ ॥ जं पुच्छियं तए नहयरिंद ! कुमरीए पुरिसविसयम्मि । विद्देसकारणं तं सव्वं पि हु तुह समक्खायं ॥ ४०९५ ॥ तं सोऊणं ताओ पसंसपुव्वं तमवि तं साहुं ।। गयणंगणाण पत्तो रहनेउरचक्कवालपुरे ॥ ४०९६ ॥ रयणावलीए कुमरीए साहए तं तहा असेसं पि । जह सव्वसेहराओ मुणिणो वयणाओ विन्नायं ॥ ४०९७ ॥ तं सोऊणं रयणावलीए सहस त्ति आगया मुच्छा । निद्द व्व सिविणयं पिव तप्पुव्वभवं पयासेउं ॥ ४०९८ ॥ रइय सिसिरोवयारे निएहिं सा पत्तचेयणा विहिया । न परोवि उवेहिज्जइ वसणगओ किं पुणो नियया ? ॥ ४०९९ ॥
Jain Education International
For Private & Personal Use Only
www.jainelibrary.org
