________________
३१०
सिरिअणंतजिणचरियं
गंतूण मंतिपासं दूएण पयासियं तयं सव्वं । तेणा वि हु एवंविह विन्नत्ती पेसिया रन्नो ॥ ३९५७ ॥ पच्चाएसो मंतिस्स पेसिओ राइणा जहा तुमए । आजेठं तं ठाऊण तत्थ इहं आगई कुज्जा || ३९५८ ॥ इय पत्तनिवाएसो आगमणसमुस्सुओ वि तत्थ ठिओ । चित्तम्मि पुणो कंतं झायइ मंतं व जोइंदो ॥ ३९५९ ॥ विणयप्पणया पोढाणुराइणी रूवरेहरइरमणी । अइकीलकीलिया इव ओयरइ पिया न मह हियया || ३९६० ॥ दारिदियो वि पसुणो वि पक्खिणो वि पियाहिं अविउत्ता । विलसंति चिरं जे ते न हंतुं सया वि सच्छंदा ॥ ३९६१ ॥ इस्सरियसंगओ वि हु धुवमहमेयाण हीणतरओ जं । निच्चं पि परायत्तो वल्लहदइयाविरहविहुरो ॥ ३९६२ ।। एक्कं असरिसरोगो बीयं से दुस्सहो मह विओगो । इय दुहदुगं न सहिउं तरिही सा सिरिससुकुमाला || ३९६३ ॥ जइ कह वि देव्वदुव्विलसिएण अच्चाहियं मयच्छीए । तीए होही अहमवि ता नियपाणे परिहरिस्सं ॥ ३९६४ ॥ एवमणुवासरं पि हु चिंतासंतावनट्ठमणवित्ती । अच्चंतदुब्बलतणू मंती अइवाहए दियहे ॥ ३९६५ ॥ पत्तो य दईयविरहे देहे मंतिप्पियाए बहुसंखं । रोगो वुडिंढ पत्तो अयसो व्व अकज्जकरणेणं ॥ ३९६६ ॥ अणुदिणमवि सेवंति जमहं मुक्काए तीए बहुदिवसा । ता सा रुट्ठा होहि त्ति संकिरी नेइ निद्दा तं ॥ ३९६७ ॥ संतीए मए निदं विणा ने आहारजीरणं होही । एयाए अणत्थकरं ति चिंतिउं पि व छुहा वि गया ॥ ३९६८ ॥ दठूण पियविउत्तं पडियमवत्थाए अबलमइदीणं । तं वेरिणि व्व अरई कयत्थिउं दूरमारद्धा ॥ ३९६९ ॥
Jain Education International
For Private & Personal Use Only
.
www.jainelibrary.org
