________________
३०७
रयणावलिकहा एक्केण वि तुह दंडाहिवेण गिण्हिज्जिही सिरं तस्स । जइ पुण सत्तू सक्खं सक्को ता चलसु सयमेव ॥ ३९१८ ॥ तइ पहुकयविक्खेवे नूणं न जमो वि जिणइ रणरंगे । इयराण व रायाणं का वत्ता कायकप्पाणं ? ॥ ३९१९ ॥ अवरस्स कस्सई ता वियरसु आणं तओ भणइ राया । मंति ! मए तुमएवाएसो जिप्पइ नेव अन्नेणं ॥ ३९२० ॥ तं सोउमाह मंती देवाएसेण जामि हं किं तु ।। मह दईया रोएणं संपइ परिपीडिया देव ! ॥ ३९२१ ॥ तेण न गच्छामि अहं रोयत्ता सा वि मुंचए नो मं ।
याह निरुयदेहं तमहं काहं ति गच्छ तुमं ॥ ३९२२ ॥ माया वि उ बलिट्ठो केरलराया सया वि भेयन्नू । निच्चमविस्ससणिज्जो अओ तुमं तत्थ पेसेमि ॥ ३९२३ ॥ धुवमवरे भेइज्जति तेण दव्वेण राइणो सव्वे । तेणाहमप्पणा जामि अहवा पेसेमि तं मंति ! ॥ ३९२४ ॥ मा कुणसु कमवि चिंतं कंता विसए जओ चिगिच्छं से । सव्वं पि कारयिस्सामि तह जहा जायए निरुया ॥ ३९२५ ॥ असमाहिमाणसो वि हु रायाणाभंगभीरुओ मंती । मन्निय तस्साएसं पणामपुव्वं गओ सगिहे ॥ ३९२६ ।। रोयभरविहुरियाए पासम्मि पियाए गंतुमुवविट्ठो । सव्वं पि निवाएसं पयासए साममुहच्छाओ ॥ ३९२७ ॥ संपइ य सुयणु ! आणं वसेमणं मज्झ तं चिय न अन्ना । किं तु विरुद्धो व्वं विही न सहइ तुह दंसणसुहं पि || ३९२८ ।। जइ जामि पिए ! ता तुह विओयवज्जाहयं फुडइ हिययं । अच्छामि ता नरिंदो रुट्ठो पाणे वि से हरइ ॥ ३९२९ ॥ वससि तुमं मह हियए न कावि अन्ना कयाइ कमलच्छि !। ता तं मोत्तुं न तरामि जामि जं तं निवभएण ॥ ३९३० ॥
Jain Education International
For Private & Personal Use Only
www.jainelibrary.org
