________________
३०६
कइया वि अत्थाणसंठिओ मंतिपमुहजणजुत्तो । जा चिट्ठइ ता दूओ नरिंदसंकेईओ पत्तो ॥ ३९०५ ॥ पणमिय निवमुवविट्ठो आएसं पाविऊण विन्नवइ । पहु ! तुह सामंतेणं पट्ठविओ हं मणिरहेण ॥ ३९०६ ॥ विन्नत्ती कारविया तुम्ह जहा केरलेसरो राया । सव्वं पि मज्झ देसं निल्लूडइ देव ! दुद्दतो ।। न निवारिओ वि अविणयमुज्झइ जुज्झइ य संमुहो तस्सग्गओ मह बलं सत्तूयमुट्ठि व्व सिंधुम्मि जइ कुणसि सामि ! सारं पच्छा वि हु ता करेसु इण्हि पि । मज्झ विणासे जाए पयावहाणी धुवं तुज्झ ॥ ३९०९ ॥ सव्वं पि सेवएहिं हियाहियं विन्नविज्जइ पहूण । सप्पsिहासं कुव्वंतु ते तयं जमिह अप्पहियं ।। ३९१० ।। इय तव्विन्नत्ती तुम्ह साहिया सामिसाल ! तुम्हे वि । वियरह पच्चाएसं ति जंपिउं सो ठिओ मोणो ।। ३९११ || तं सोऊण नरिंदो उब्भडभडभिउडिघडियनिडालो । जंपइ अप्पविणासाय चमढिओ तेण मह देसो || ३९९२ ॥ नूणं निकिंतिय तस्स सीसमुच्छलियरुहिरवरिसेण । विज्झाविस्सं नियमणवणपज्जलमाणकोवदवं ।। ३९१३ ।। ता ताडवेह रे रे रणपहपत्थाणसूयगं ढक्कं । सन्नज्जह सव्वे वि हु नरिंदमंडलियसामंता ॥ ३९९४ ॥ जेण सयं गंतूणं तव्वंसजयस्सिरिं सुगुणनद्धं । विमलं समुल्लसंतिं गिण्हामि जयप्पडायं च ।। ३९९५ ॥ तं सोउं निम्मलमइमंती विन्नवइ देव ! विक्खेवो । किमिमो एद्दहमेत्ते वि तम्मिरिओ कीडकप्पम्मि || ३९९६ ॥ तत्थ सयं गच्छंतेण सामिणा वेरिणो लहुस्सावि । दिज्जइ तस्स गरुत्तं ता सामि ! इमा धुवं कुमई ॥ ३९१७ ।।
Jain Education International
सिरिअणंतजिणचरियं
For Private & Personal Use Only
३९०७ ॥
होउं ।
३९०८ ॥
www.jainelibrary.org
