________________
रयणावलिकहा
तत्थ ठियस्स रन्नो रज्जं नीईए पालयंतस्स । वच्चइ कालो अंतेउरीहिं सह विसयसत्तस्स || ३८६६ ॥ ता खयरेसर ! जह रायहंसभज्जाए रायहंसीए । अविवेयबहुलयाए जाओ पुरिसम्मि विद्देसो || ३८६७ || मणिमंजरीभवम्मि वि सो च्चिय उम्मीलिओ जहा तीए । तह तुह तणयाए वि हु जह जाओ तह निसामेसु || ३८६८ ॥ तो पुणरवि पणमेउं ताओ पुच्छइ मुणिं जहा भयवं ! । मणिसेहररन्नो सिविणयस्स किं कारणं कहह || ३८६९ ॥ तो भाइ मुणी नहयरनरिंद ! एयं पि सुणसु सा हंसी । संजाया कुंतलनाहरायमणिमंजरीकन्ना ॥ ३८७० ।।
वणयदंसणुप्पन्न पुरिसविद्देसदोसओ जं सा ।
इनरं कंपि हु तो आदन्नो निवाइजणो ॥ ३८७१ ॥ जाणइ जणोवइट्ठ सव्वं पि अणुट्ठए कुणइ संतिं । पूयइ देवे कुलदेवयं च आराहिउं भणइ ॥ ३८७२ ॥ देवि ! नियगोत्तचिंता तुह एसा ताओवेहसे किमिमं ? | अवहरिउं विद्देसं पुरिसे रायं रयसु झति ॥ ३८७३ ॥ कइया वि सोवओगाए तीए देवीए ओहिनाणेणं । नाउं पुव्वभवपियं हंसं मणिसेहरं निवइ ।। ३८७४ || खंभग्गठियगिहरमणि सिविणयम्मि देसेउं । तो वलिय वरं कुंतलनाहनरिंदस्स जा कहइ ।। ३८७५ ।। ता सहसति चुया सा देवाउयकम्मस्स खए जाए । नहयरनरिंद ! एयं तुह सिविणयकारणं कहियं ।। ३८७६ ॥ तो तं सोउं ताओ परिजंपर पत्थुयं कहसु भयवं ! । भणइ मुणी एगग्गो होउं निव ! सुणसु साहेमि
३८७७ ॥
अक्खंडमहीमंडलमंडणभूयं विभूइआवासं । सिरिधरणिभूसणं नाम गुरुपुरं अत्थि अत्थिपियं ॥ ३८७८ ॥
Jain Education International
For Private & Personal Use Only
३०३
www.jainelibrary.org
