________________
३०२
एत्थंतरम्मि वज्जालिविलसिराभरणभूसियसरीरो । मयणाहिमिस्सचंदणविलित्तगत्तो सचिवसहिओ ॥ ३८५३ || गंतूण कुमरिमंदिरमेगंते संठिओ महीनाहो । एत्थंतरम्मि लग्गा तवस्सिणी ज्झाणमारुहिउं ॥ ३८५४ ॥ वारं वारं तीए पहुं फुडसाह त्ति जंपमाणीए । पयडीहूओ राया तो तीए विसज्जियं झाणं तो कुमरीए रइए व दिट्ठो मयरद्धओ व्व नरनाहो । पयडंतीए पुलयस्सेयए कंपाईए भावे ॥ ३८५६ ॥
३८५५ ॥
सिरिअणंतजिणचरियं
भणिया निवेण पणमिय तवस्सिणी आगओ कह गिहे हं । तो से कहियं तीए कुमरिवरत्थं तमाणीओ ॥ ३८५७ ॥ तं सोउमाह मंती ता जाणावह निवं वरागमणं । जंपिओ दिन्ना कन्ना परिणिज्जइ अन्नह अजुत्तं ॥ ३८५८ ॥ गंतुं तवस्सिणीए तं कुंतलनाहराइणो कहीयं । वद्धाविज्जसि तं निव ! कन्नाए वराणुराएण || ३८५९ ॥ तं सो नरनाहो अमयनिमग्गो व अइसुही जाओ । तो हंसाइवरंतं तच्चरियं कहइ सा रन्नो ।। ३८६० ॥ तं सोउं संतुट्ठो राया दाऊण तुट्ठिदाणं से । आणावइ मणिसेहरनिवई कुमरिं च रिद्धीए ॥ ३८६१ ॥ कारईय ताण महरिहविच्छड्डेणं विवाहमंगल्लं । करमोयणम्मि वियरइ वरस्स गय - हय - रहसिरीओ ॥ ३८६२ ॥
नवकंतासंजुत्तो राया पंचविहविसयहसत्तो ।
ठाऊण दिवसदसगं ससुरं मोयाविउं चलिओ ॥ ३८६३ ॥ सपिउचउरंगचमूचयपच्छाईयमहीयो पत्तो । अक्खंडपयाणेहिं मणिपुरपुरिपरिसरंदेसे ॥ ३८६४ ॥ विहिऊणूसवम्मि तम्मि संचियमंचेसु हरिणनयणीणं । पेच्छणए पेच्छंतो पत्तो निययम्मि पासाए || ३८६५ ||
Jain Education International
For Private & Personal Use Only
www.jainelibrary.org
