________________
रयणावलिका
मसिणियकरीर अंकुरवित्तिमिव दज्झए सरीरं मे । दाहज्जरदुद्दामयकलंबपरिसुसइ वयणं पि ॥ ३८४० ॥ ता सव्वा विन पहू खणं पि अहमत्तणो सरीरस्स । मह एरिसे सरूवे जं जुत्तं तं तमायरसु ॥ ३८४१ ॥ आयन्निरं तयं तावसीए भणियं थिरा भवसु वच्छे ! ता हं तहा जइस्सं तुह जह मिलिही निसाए निवो || ३८४२ ॥ जेणत्थि मह नरागरसिणम्मि सत्ती वि सिद्धमंतभवा । सन्नेज्झा जीए तमज्जमेवाणिय तुहऽप्पिस्सं ॥ ३८४३ ॥
।
ता होसु थिरा जा पुत्ति ! एइ रयणि त्ति संठविय कुमरिं । पत्ता तवस्सिणी रायमंतिपासम्मि सहसति ॥ ३८४४ ॥
कहिओ नवुत्तंतो तेसिं ता जा दढाणुराया सा ।
जइ न लहइ राय ! तुमं रयणीए मरइ ता नियमा ।। ३८४५ ॥ भणियं च मए अज्जागरिसिय निसिवल्लहं तुहऽप्पिस्सं । ता कयगुरुसिंगारा चिट्ठिज्जं गिहेगदेसे तं ।। ३८४६ ।।
ताहं गंतुं तं तुह विरहज्जरविहुरियं विणोएमि ।
जं एगागीण दुहं हवइ अणज्जयं पि थोवं पि ॥ ३८४७ ॥ इय तं पयंपिउं तावसी गया झत्ति कुमरिभवणम्मि । तल्लाहेण निवो विहु सहलं मन्नइ विएस पि ।। ३८४८ || अहमवसरामि जइ ता विरहीणमिणाण संगमो होइ । इय चिंतिउं व मित्तो मज्झिमभवणाओ निक्खतो ।। ३८४९ ॥ मयणानलाइभावा नरिंदकुमरीण हिययकुंभीओ । उप्फिणिउं वित्थरिओ संझाराओ व्व अणुराओ ॥ ३८५० ॥ विरलतरसंझराओ उल्लसिओ तमभरो फुरियतारो । पुव्वभवदावधूमो व्व सप्फुलिंगो सजालो य ॥ ३८५१ ॥ गंधव्वविवाहं पिव कारविउं झत्ति रायकुमरीण | दिपि संपत्तो दियराओ उदयगिरिसिहरे ।। ३८५२ ॥
Jain Education International
For Private & Personal Use Only
३०१
www.jainelibrary.org
