________________
३००
सिरिअणंतजिणचरियं ता पुत्ति ! रायहंसे को रोसो पुव्वभवपिए तुज्झ । जेणोवयारविहलेण तुज्झ विरहे हओ अप्पा || ३८२७ ॥ जीवंताण छंदाणुवत्तिणं कुणइ सव्वया वि जणो । जो पक्खी वि हु नियपयमणुसरइ स एस एवेक्को || ३८२८ ॥ पायं पुरिसेहिं समं महिलाओ मरंति भूरितरयाओ । सो एक्को चिय हंसो जो सह नियपिययमाए मओ ॥ ३८२९ ॥ ता पुत्ति ! समुज्झिय पुरिसद्देसमेयं नियं पियं सरसु । जेण जियइ सो राया तुज्झ वि जम्मो हवइ सहलो ॥ ३८३० ॥ इय तावसीमुहेणं सोऊणं रायहंसनियचरियं । मुंचइ पुरिसद्देसं गुरूवएसा अकिंचणं व ॥ ३८३१ ॥ अणहुँतो वि हु तीए अणुराओ रायचरियओ जाओ । राओ व्व वुन्नयाओ वुन्नियजलजुयइलिद्दाए || ३८३२ ॥ रायाणुरायवसजायदुसहअरईए सा परिग्गहिया । पुरिसप्पउत्तिचारियचिरविरहिवयंसियाए व्व ॥ ३८३३ ॥ तिहुअणमवि मह आणं धरइ सिरे नो इम त्ति कलिऊण । रुडेण व मयणेणं बाला विद्धा सरभरेण ॥ ३८३४ ॥ कत्तो तं पाविस्सं ति झत्तिईणज्झाणखणविलंबवसा । थरहरिय थूलथणं सरंति से मासला मासा ॥ ३८३५ ॥ अणुरायरसाविद्धा विराइणी वि हुविया नरिंदसुया । अब्भुययग्गिअरुणे झडत्ति गयणंगणसिरि व्व ॥ ३८३६ ॥ दळूण तस्सरूवं तवस्सिणी तं फुरंतपरिओसा । पभणइ पुत्ति ! सरीरं किं तुह अपडुत्तमुव्वहइ ॥ ३८३७ ॥ तीयुत्तमंब ! मणिसेहरं निवं जई न अज्ज पावेमि । ता झंपावेमि अगाहसरजले मरणकरणाय ॥ ३८३८ ॥ एमेव य मरियव्वं समकालुच्छलियअसुहवसयाए । जेण विएसेस निवो अहं तु इह ता कुओ जीयं ॥ ३८३९ ॥
Jain Education International
For Private & Personal Use Only
www.jainelibrary.org
