________________
२९९
रयणावलिकहा जह सायरवेलावणअसोयसाहिम्मि हंसहंसिदुगं । जह रायहंसियाए संजायं अंडया दुग्गं || ३८१४ ॥ जह दवमागच्छंतं दटुं हंसो गओ समुद्दम्मि । जह दवजलिरिं हंसिं छायइ सो सजलकमलेहिं ॥ ३८१५ ॥ जह मयहसिं दटुं पसरियतव्विरहविहुरियसरीरो । नियपक्खेहिं छाइय तयं मओ रायहंसो वि ॥ ३८१६ ॥ तह तं सोउं सव्वं पि मज्झ सोओ तहा समुप्पन्नो । न जहा अज्ज वि परिसंदिराई थक्कंति नयणाई ॥ ३८१७ ॥ रासयनरेण परिपुच्छिएण मह साहियं इमं वच्छे । । नयरम्मि मणिपुरम्मि निवसइ मणिसेहरो राया ॥ ३८१८ ॥ तेणायं नियचरियं सरियं सव्वं पि जाइसरणेण । जइ हुँतो हं हंसो मओ य नियभारिया विरहे ॥ ३८१९ ॥ संजाओ इह राया ता जइ हंसिं पि देव्वजोएण । पत्तनरतं पावेमि होइ ता मह समाहाणं ॥ ३८२० ॥ इय चिंताए तव्विरहविहुरिओ दुब्बलो ठिओ दूरं । तं चेव रायहंसिं ज्झायंतो विज्जुमिव जोइं ॥ ३८२१ ॥ कुणइ न सो सिंगारं न मयच्छीपेच्छयणाइं पेच्छेइ । चिट्ठइ य सुन्नहियओ चय सव्वसहावावारो ॥ ३८२२ ॥ मन्नइ य रायहंसीरहिओ रज्जं पि रज्जुबंधो व्व । भोए विभोइणो इव वसिमं पि पुरं मसाणं व ॥ ३८२३ ॥ एवमवत्थं सच्चविय सामियं पुच्छिऊण सचिवेण । हंसीनाणनिमित्तं रासम्मि रयावियं चरियं ॥ ३८२४ ॥ तो अम्हे पट्ठविया तन्नाणत्थं समग्गदेसेसु । पाढाइचित्तरूवे दंसंता इह पुरे पत्ता ॥ ३८२५ ॥ ता रासय नरपयडियनिवचरिएणं अहं वियप्पेमि । वच्छे । सो च्चिय राया जो पुव्वं तुह पई हंसो ॥ ३८२६ ॥
Jain Education International
For Private & Personal Use Only
www.jainelibrary.org
