________________
सिरिअणंतजिणचरियं ता नाण-दाणरूवं, जगगुरूणो अणंतस्गमिणो चरियं । पत्थावपंचएणं भव्वाऽऽयन्नह कहिज्जंतं ॥ ३५ ॥ (अणंतजिणस्स पढम भवो) अत्थि प्फुरंतबहुतेयरासिदंसियपयत्थपरमत्थो । धाअइसंडो दीवो मंगलदीवो विव पवित्तो ॥ ३६ ॥ तत्थ महाभोगपओहराए सुवयाए रामगत्तं व । पुव्वविदेहं खितं, विलसइ सीयाए परिसत्तं ॥ ३७ ॥ एरवयविजयरयणं तस्सालंकारकरणिमुव्वहइ । जम्मिं जच्चतुरंगो व्व सव्वया सहइ वेयड्ढो ॥ ३८ ॥ (रिट्ठउरीनयरी) - तम्मि घणमणिविणिम्मियसालप्पासायविवणिसुरभवणा । अत्थि जयालंकरणं, नयरी नामेण रिट्ठउरी ॥ ३९ ॥ माणिक्कमयजिणालयमालानिलचलसियद्धयालीए । जीए तरंगिज्जंतो व्व नज्जए धम्मदुर्द्ध-दही ॥ ४० ॥ लीलाए वि सयं चिय, मणि-भवण-पहा-पणासियतमा जा । निज्जिणइ रविं सकरप्पयासदिणमेत्तहय-तिमिरं ॥ ४१ ॥ पडिमंदिरचंदोदयमणिज्झरणजलभरियकुंभा । सोहत्थं चिय जा वहइ कूव-वावी-सरसमूहं ॥ ४२ ॥ जीए सत्थियकयपउमरायरयणाई नव-वहू दर्छ । अग्गि-फुलिंग त्ति जलेण सिंचए चरणदाहभया ॥ ४३ ॥ एगोऽत्थि तीए दोसो, जं कंचण-मंदिरेसु रयणीसु ।। उडुपडिफलणट्ठियमणिमएसु भुल्लंति पाहुणया ॥ ४४ ॥ (पउमरहराया) धणवित्तसारचक्को, पिहुलक्खो कलसराइओ सुहओ । तीए पयं परिपालइ रहो व्व सिरिपउमरहराया ॥ ४५ ॥
Jain Education International
For Private & Personal Use Only
www.jainelibrary.org
