________________
पढमपत्थावो
संता वि तिरोहिज्जंति, दुज्जणा सज्जणुज्जलगुणेहिं । भुवणम्मि तारया इव, विप्फुरिएहिं रवि-करेहिं ॥ २३ ॥ कव्वं दोसालिद्धं पि, सज्जणा सोहिउं पयासंति । अवहरिय रयणि-तिमिरं, भुवणं छणचंदकिरण व्व ॥ २४ ॥ सोवन्निय व्व नंदंतु सज्जणा जे परत्थसत्थेसु ।। दिन्नसुवण्णवि रयणा, जणं व कव्वं विभूसंति ॥ २५ ॥ किं दुज्जणेहिं ? जं ते वंका, पत्थेमि सज्जणे सरले । तुब्मे सोहह काउं, अणुग्गहं मह इमं गंथं ॥ २६ ॥ इह समयदिट्ठचुल्लगपमुहदिटुंतदसगदुल्लंभं । लद्रूण माणुसत्तं, आयरिय-खित्ताइ-गुण-जुत्तं ॥ २७ ॥ नियजोग्गयाणुरूवं, नाऊण गुरुवएसओ किंचि । कज्जो परोवयारम्मि, उज्जमो धम्म-बुद्धीहिं ॥ २८ ॥ सो जइ वि बहुविहो, परमणोरहाऊरणे मह तहा वि धन्मुवयारे सेसोवयारमूलम्मि रमइ मणं ॥ २९ ॥ जओ (धम्मो नाण-दाणं च) धम्मो मणवंछियवत्थुवियरणप्पवणपरमकप्पतरू । अट्ठोत्तरसयरोयावहारधन्नंतरी धम्मो ॥ ३० ॥ धम्मो महल्लकल्लाणकमलिणीवणविकासदिवसयरो । उत्तमचक्केसर-सक्क-सिद्धि-सुहसाहओ धम्मो ॥ ३१ ॥ जइ वि हु चउहा सुहदाण-सील-तव-भावणाहिं भणिओ सो । तह वि मुहुल्लसइ मई, सव्वुत्तमनाण-दाणम्मि ॥ ३२ ॥ नयणं व गोयरगयं, दीवो विव तमतिरोहियं गेहं । तरणि व्व भुवणगभं, पयडइ नाणं तिहुयणं पि ॥ ३३ ॥ ज़ह पहपब्भट्ठो कोइ, एइ सम्मग्गिकुसलकम्मेण । तह मोहविमूढमणा, नाणेणमुर्विति सम्मग्गं ॥ ३४ ॥
Jain Education International
For Private & Personal Use Only
www.jainelibrary.org
