________________
सिरिअणंतजिणचरियं पहुणो पालित्तय-बप्पहट्टि-सिरिविजयसीहनामाणो । जणयंति महच्छरियं, जं ता गुरुणो वि सुकइत्तं ॥ ११ ॥ दूरं करुणारसिओ, विरइयनव-समय-सत्थ-वित्ती वि । सिरिअभयदेवसूरी, दूरीकयमच्छरो सहइ ॥ १२ ॥ गुरुनेमिचंद-मुणिचंद-हेमचंदाभिहाणमुणिवइणो । निग्गंथसिरोमणिणो, बहुगंथकरा वि रेहति ॥ १३ ॥ अक्खाणयमणिकोसत्थ-सत्थकरणेण जेसिमिस्सरियं । उल्लसइ सया सिरिअम्मएवसूरीण ताण नमो ॥ १४ ॥ गुरुदेवसूरि-सिरिहेमसूरिणो, पसमिणो सुसमया वि । कयतक्क-व्वायरणा, जिणिंदतित्थं पभाविंति ॥ १५ ॥ कित्तिं वस्तु कइकालिदास-धणपाल-बाण-कइराया । जाण गिरीण व जाया, सरस्सईओ नव-रसाओ ॥ १६ ॥ एरिस करायपबंधदंसणा कायरो व्व कंपंतो । रइडं पयं पि न तरामि, सत्थ-रयणम्मि का वत्ता ? ॥ १७ ॥ तह जं अणंतगुणजिणचरियं रइडं रूई वि मइणो वि । तं मे अणंतकाइयसत्ताणिक्केक्कगणणं व ॥ १८ ॥ अहवा गुरुप्पभावा वसिही वाईसरी वयणकमले । ता तव्वसयस्स मणोऽभिवंछिए मज्झ का चिंता ? ॥ १९ ॥ (सुजणदुज्जणा) सोजनं सुयणम्मि, अवट्ठियं दुज्जणम्मि दोजन्नं । सीयत्तं सिसिरम्मि, दाहो दहणे सया वसइ ॥ २० ॥ सिक्खविओ वि हु दूरं, न दुज्जणो सज्जणत्तमणुसरइ । परिकम्मिओ वि उवलो, नूनं न रयणसिरिं धरइ ? ॥ २१ ॥ सुयणे न दुज्जणत्तं, संकमइ न दुज्जणम्मि सुयणतं । न दिणे रयणी रयणीए नो दिणं जायए जइ वा ॥ २२ ॥
Jain Education International
For Private & Personal Use Only
www.jainelibrary.org
