________________
२९४
सिरिअणंतजिणचरियं सतडक्कारं फुटुंति वंसगंठीओ दढयराओ वि ।। अग्गिफुलिंगनियरो खज्जोओहो व्व उल्लसइ ॥ ३७४९ ॥ उच्छलियबहलधूमावलीए अंधारिओ गयणमग्गो । लक्खिज्जइ नवतरघणपडलावरिओ व्व सव्वत्तो || ३७५० ॥ संजायमूलदाहा निबिडा वि दुमा दढ ति निवडंति । निरवटुंभाण ठिई वरपत्ताण वि कुओ अहवा ॥ ३७५१ ॥ . साहुच्छेओ पत्ताण पाडणं सुमणसाण संहारो । दावेण दुज्जणेण व रईओ सउणाण वि विणासो ॥ ३७५२ ॥ नीलं सुक्कं च समग्गमवि दवो दहइ जलिरजालाहिं । सयणं परं व पिसुणो दुव्वयणेहिं व सव्वत्तो ॥ ३७५३ ॥ नासंति अद्धदद्धा पसुणो अइविस्सरारवरउद्दा । सत्तीए संतीए चिट्ठइ सावायठाणे को ॥ ३७५४ ॥ वेगेण उड्डिऊणं डज्झिरदेहा वि पक्खिणो नट्ठा । नव्वसणे वि विणासो पायं जोयइ सपक्खाण ॥ ३७५५ ॥ परिपसरते धूमे जालोलीसु पसप्पमाणासु । समुहपवत्ते उन्हानिलम्मि उड्डिय गओ हंसो || ३७५६ ॥ दठूणं गयं हंसं सा हंसी पसवपीडा विहुरा वि । चिंतइ कहंडयाई रक्खेयव्वाइं एयाइं ॥ ३७५७ ॥
आबालकालमसरिसपोढिप्पत्तस्स पेम्मपसरस्स । हंसेण लज्जियमिमं जमहं चत्ता वसणपडिया ॥ ३७५८ ॥ ता अत्थि निच्छएणं नेहो निक्कित्तिमो न पुरिसाण । एयावत्थं जमिमो पियं पि मं उज्झिऊण गओ ॥ ३७५९ ॥ नेहा हुत्तो जइ तस्स ता सुयं तो न मं बहु दुहत्तं । पसवुब्भवअंडयबहलनियतणुदवजलणदाहेहिं ।। ३७६० ॥ नीरुयदेहाए मह कज्जत्थं चाडुयाई कुव्वंतो । इण्हिमकिंचिकरी हं ति मं समुज्झिय पणट्ठो सो ॥ ३७६१ ॥
Jain Education International
For Private & Personal Use Only
www.jainelibrary.org
