________________
२९२
भूरिप्पवालवणउच्छलंतपहपडलपाडलजलोहो । मलयगिरिंगरुयासिहरगलिररसपूरभरिओ व्व ॥ ३७२३ ॥ सामलनहं सुतारं सामलजलही वि मोत्तियाईन्नो । नज्जइ जलहिम्मि नहं जलही व नहम्मि संकंतो ॥ ३७२३ ॥
सिरिअणंतजिणचरियं
अंगीकयसत्तनओ वयधारी भूरिसंखसुत्तिपरो ।
विलसंतजाणवत्तो सदओ जो सहइ साहु व्व ॥ ३७२४ ॥ अब्भुल्लसियरसाओ सुवयपराओ पवाहसोहाओ । सुत्तियसहियाओ नईओ कामिणीओ व्व कलयंतो ।। ३७२५ ॥ तन्नीरतीरदेसे समत्थि वेलावणं विसालतरुं । गुरुतरपत्तभरंतरियतरणिकरनियरसंचारं ।। ३७२७ ॥ सहलारंभंविलसंतसिरिफलं सुप्पबालकलियं च । दीहं वयं सुवंसं जं सोहइ सुयणविंद व ॥ ३७२८ ॥ मयणाहिसहियचंदणघणसारसियं सुअंधहट्टं व । नरनाहमंदिरं पिव विलसिरपुन्नायनायं जं ॥ ३७२९ ॥ जं पसरियसिहिजालं पि सीयलं विस्सरं पि सुसरसुहं । कुज्जयसमस्सियं पि हु जं सरलविराइयं सययं ॥ ३७३० ॥ विउसठाणं पिव वाइकव्वसंजायमाणबहुकलहं । बहुबाणासणसरहयमारं समरं व जं सहइ ।। ३७३१ ।। (कुलयं ) तम्मि कविंजलवंजुलवयवरिहिणसारसाइसउणसिए । परिवसइ रायहंसो सपिओ कंकेल्लिकयनीडे ॥ ३७३२ ॥ जो सइ वि रत्तवयणो मुणि व्व कुलजो व्व सुक्खदुगो । नवतरणिव्वायंबिरपाओ मंजीरमिव सुसरो ॥ ३७३३ ॥
कमलावासो बंभो व्व रमणिनियरो व्व कयसलीलमई । साहु व्व दयाणंदो विरहि व्व मुणालियाहारो || ३७३४ ।। (जुयलं) हंसीए समं असरिससिणेहसब्भावमुव्वहंतस्स ।
कालो तस्स अइक्कमइ असरिसं रायहंसस्स ।। ३७३५ ॥
Jain Education International
For Private & Personal Use Only
www.jainelibrary.org
