________________
२९०
तो मंतिणा पउत्तं चिट्ठइ किं खंभभवणगब्भम्मि । तीयुत्तं कुंतलनाहरायकन्ना वसई एत्थ || ३६९७ ॥ किं कारणं ति मंतिप्पयंपिए भणइ सा निसामेसु । संजाओ एयाए विद्देसो पुरिसविसयम्मि ॥ ३६९८ । उविज्जइ अयसेण व नामेण वि सा सुएण पुरिसस्स । पुरिसं चित्तालिहियं चयइ दूरेण सप्पं व ॥ ३६९९ ॥ पिसुणेण व दूमिज्जा दिट्ठेणं सिविणए वि पुरिसेण । दवजालोलि व्व वणं तावइ तं पुरिसचिंता वि ।। ३७०० ॥ किं बहुणा तद्दिट्ठी उज्झइ जलणं पाविडं पुरिसं । न सहइ सहीयणस्स वि सा पुरिसपसंसणपरस्स ॥ ३७०१ ॥ जणय - जणणी-सहीहिं पयंपियाऽणेगसो वि वरविसए । नामं पि कन्नसूलाय तीए कत्तो वरग्गहणं ॥ ३७०२ ॥ तं पुरिसदरिसणेण वि झिज्झंति पि किं ऊण जणएण । कारियमगाहमेयं सरोवरं खंभठियभवणं ॥ ३७०३ ॥
सिरिअणंतजिणचरियं
संचारपहो विहिओ जलगयपाहाणमयतलेनेत्थ । भवणारोहो वि हु सुसिरथंभसोवाणएहिं काउं ॥ ३७०४ ॥
पूयं कारावेउं देवीई णं अहं सया जामि |
गिहामि न नामं पि हु पुरिसाण अओ पिया हं से || ३७०५ ॥ सा तत्थ ठिया चिट्ठइ सुहेण एगागिणी विणोएहिं । आलवणीवीणावेणुवायणाईहिं अणुदिवसं ॥ ३७०६ ॥
ता वच्छ ! तए जं पुच्छियं तयं तुज्झ साहियं एयं । मणिमंजरीए कुमरीए कारणं इह निवासस्स ।। ३७०७ ।। भणियं सचिवेणं अंब ! गुरुनिबंधेण पुरिसवेसस्स । जं कारणं तमापुच्छियं तयं मह कहेयव्वं ॥ ३७०८ ॥ तो तव्वयणं पडिवज्जिउं गया निवसुयासयासे सा । आपुच्छियं निबंधेणमागया कहइ मंतिस्स ॥ ३७०९ ॥
Jain Education International
For Private & Personal Use Only
www.jainelibrary.org
